滯留多倫多

2008.01.23 to 24

第 320 次飛行

上回講到老總打電話黎...

之前其實都聽s & f 講過, 個日我地去個班機engine 壞左, 所以班同事番唔到香港, 之後那晚就收到老總電話, 說班機會delay, 起碼delay 到下午一點...仲叫我地唔好咁早訓...

結果個晚我真係好遲先訓, 原本我地應該第二朝6 點半pick up, 點知到8 點醒左...都未見有msg話改幾時再 pick up..等到9 點, 先收到 msg 話 11 點pick up...咁我around 10 點就開始準備, 點知差唔多 10 點, 當我著好衫, 紮好頭髮, 準備化妝時, 有同事打俾我, 話冇限期delay...那時我先睇msg light 又係度閃...check 番先知真係又無限期delay.....好彩那時未化妝...

過多陣, 又收到msg, 以為走得, 點知原來係叫我地去lobby 拎 extra allowance, 於是我與 s & f 拎完d allowance, 就去左附近買外賣返酒店食....

就係我品嚐緊碗好好味的越南河時, 收到電話, 那時around 1 點...對方說, 要 1 點45分去 lobby 集合..."u only have 55 mins left", 平時我起碼用個半鐘時間準備, 忽然咁急, 真係嚇死我, 當時我又食緊野, 又玩緊, 又msn 緊, 又玩緊 facebook, 立即倒哂d 越南河落個口度, 再熄機, 走人.....

去到機場...d 客已經係哂度等緊我地...起初我仲諗住上到機d 客一定會俾hard time 我地添...點知...出乎意料...d 客好過黎個時d 客多多聲...後期同個客傾開, 原來佢地由早上4 點幾等到而家, 差唔多成 12 個鐘...佢地仲以為我地訓得夠, 好精神, 我先說其實我同佢地都係差唔多, 一個"等"字...
都好, 起碼俾d 客知道唔止佢地慘...我地等左差唔多 12 個鐘,  仲要係機上做成 16 個鐘頭...仲慘...
我相信, 前兩天的同事仲慘, 因為我睇到佢地的 roster, 俾公司丟黎丟去....

幸好...還趕得切太后生日未過前回到香港....

p.s 不過有幾個女人一上機叫我幫手同佢地一齊放行李, 我又真係唔明, 佢地幾個係朋友, 點解佢地兩個係要搵我幫手, 而佢地兩個自己又唔互相幫下大家呢? 這次, 恕我不能幫手....