應call light 後群症

2008.03.01

第 326 次飛行

飛完紐西蘭回來, 一日假係唔夠既, 但no choice, 休息一日, 今日又要返工....

已經好耐冇飛過turnaround (我估起碼有成3 個月?), 已經好耐冇咁早起身 (5 點半起身....), 好耐冇見過晨運人士.....

這位老總不久之前同佢飛過去 dubai, 那次已經領教過佢的聽覺有幾靈敏...今次佢一入 briefing room, 如常派俾我地一人一張紙, 裡面寫哂佢對我地的要求...因為上次已經看過了, 所以大部分我還記得....

去程同回程都差唔多 full load, 載了不同國籍人士, 有法國, 荷蘭等歐洲人士, 亦有香港人, 韓國人等等....所有人都充滿遊玩心情,  所以就算 full, 但因為大家都心情好, 並不是太難做....只是飛行時間比較長而已...

這班機我地怕的不是客人, 而係老總, 因為佢對d 聲音好敏感....特別係 call light...諗番起個次同佢去 dubai, 佢一聽到有 call light, 明明訓緊既佢, 都立即起身應call light 那景況, 真係令我哭笑不得.... 

這次佢唔係成日都落黎睇我地...不過佢就係前面用door2 的 panel 黎睇住我地....話說回程都幾多 call light, 而我地都好努力去應每一個call light, 雖然我地人多, 但call light 的數目係我地人手的幾倍, 所以我地總不能係短時間內應哂所有call light 麻, 因為 call light 永不會停, 應完一個, 又有另一個....終於搞掂哂d call light, 就係呢個時候, "叮"! 一個call light 又著左, 我準備去應, 點知, 我都未去應, 有電話打黎, 前面galley 的阿姐說: "老總問係唔係有個call light 未應...", 我說: " 係o岩o岩有個著左, 我而家去應...", 之後就收線, 那刻, 我好嬲, 有冇搞錯! 老總, 你總不能expect 個call light 一著, 我地就飛身去應掛....氣得濟, 一收線, 我就press 左個 "reset" button...熄鬼左去, 一洩心中的不滿.... 再出去睇下個客要乜...

另外, 佢唔鍾意我地成日全部人係哂galley 內...所以成日都有一兩位同事做線人, 睇下老總有冇行緊落黎, 話說有次老總落緊黎, 我當時執緊 duty free d 貨, 有位同事說: " 佢黎緊啦, 快d 出去!" 之後我見到galley 內另外4 位同事, 立即飛身出 cabin 行行企企....笑鬼死我....

就係呢個時候, 有個call light, 老總話佢去應...個客原來要 bloody mary...老總俾左杯飲品俾個客後, 同我地講: "it's very lucky that i m here, so the pax can have his blood mary...." 我與另一位同事當時在場, 聽完都覺得不滿, 乜野叫 it's very lucky that i m here? 好似講到我地想特登唔應call light, 同埋唔俾 bloody mary 俾個客咁....自己只係應該左一個call light, 就好似好偉大咁....

後來佢都發覺d call light 好多, 同埋d 客好煩, 所以冇再落過黎, "lay" 埋左係前面galley....直到降落....

做左成日, 老總debriefing 時, 竟然話我地唔係成日立即應call light ?! 唉, 辛苦左成日, 仲要得番個咁既 feedback, 真係十萬無奈.....

做完呢班機, 隱約我的腦海中仲聽到 "叮", "叮", "叮"......我心諗好彩明天的 bombay 唔係同佢飛, 否則情況更不堪設想....