行足9 個幾鐘

2009.01.03

第 383 次飛行

上次做long turnaround 係幾時呢? 起碼12 月冇做過, 11 月好似只係做過台北turn 者, 以我記得, 應該係 10 月standby 被call 既耶加達turn....

其實呢個turn 可以話係自己攞黎, 因為原本只係做個西貢turn, 但我實在好唔鍾意做個班機, 最後換了呢個黎做.....總覺得, 日本機係好做d.....

呢日返到公司, 好奇怪, 見到好多自己識既人....當中有上班機飛過既同事們, 點解澳洲機後面個個都係跟住有一班 turnaround 既???? 有位阿姐仲要今次都係同我同班機, 又係同一個galley....唯一唔同既係, 今次我地兩個都係economy class 工作......

其實來回兩程既客都出奇地好.......亦都好聽話.........乜都唔該前唔該後, 最出奇連香港人都係那麼好.....令我有d意外............ 
最辛苦睇怕都係去個程, 勁多人買duty free....阿姐release 我時, 我仲好淡定話: "i don't have so many orders, so i can continue my service..." 點知一講完, d order飛埋黎.....
賣左成個鐘......阿姐, 仲有兩位同事幫我手搵items, delivery....收錢...等等......仲要臨landing 前"dun" 到七彩....又咁o岩今日載duty free items 既cart 係我最憎既 wooden cart.....

 又重, 又難brake....唉.......後來仲遇到個麻煩客.....明明買左3000幾蚊野, 但又話自己計過只係千幾蚊....呢個order 係由阿姐幫我手...我見阿姐咁耐都冇返黎, 我都知應該係出左問題, 但當時我仲忙緊其他order, 根本冇時間去理.....最後阿姐氣沖沖返黎同我講呢件事.....我真係對佢唔住, 因為人客係日本人, 我相信佢應該受左唔少那兩位日本人既hardtime....

 

最後原本 3000 幾蚊既東西, 佢地只係買左件130 蚊既 item...真係激死我地!!!

 

到左descent, 仲有成3 個order 未做.....到captain 叫" cabin crew, pls be seated for landing..." , 我仲拎住呢3 個order 周cabin 走....樣衰.............
賣就賣到死死下, 但個總額比我想像中少.........
終於到左東京既成田機場, 黎左好短既 transit, 又係時候回程.......

回程同去個程相反, 冇咁忙......都叫係有少少時間坐下.........
飛完呢轉, 本來好得七七八八既病, 好似又返返黎.....不過我有少少覺得係自己攞黎........
次次飛完long turnaround, 我都好佩服飛high den 既同事.....飛long flight 起碼有幾個鐘crew rest, 但long turnaround 真係由日抖踩到夜晚..........連今朝出門口遇到住隔離既伯伯, 佢聽完我話去東京, 就話: "咁好呀!!!", 之後我話:"我今晚返黎架啦...." 佢立即露出一副可憐我同埋覺得我好辛苦既眼神.....
話就話行左9 個幾鐘, 但仲未計briefing 到上機之間的時間, 又未計今朝起身, 同埋返屋企兩個幾鐘既時間.....
黎緊既兩日假....真係真係要好好溫下本volume 5.......
 睇見個cover.....除左睇得出我幾咁勤力外, 亦睇得出歲月既痕跡.................