關西兩小時行

2009.01.09

第 384 次飛行

3 日training 後, 就到今日呢班機.....由於琴晚10 點幾就訓左, 所以今日起身就好dd......仲要執到個好位, 做business class, 去個時, 我個zone 得3 個客, 另外4 個去哂頭等.....回程就多番d 客, 有13 個....不過所有客都好好人......好nice 啊!

 

由於係冬天既關係, 所以飛行時間真係非常長, 我就真係悶到要死......坐係 crew seat 幾乎訓著....

 

 唯有拎公司既 newsletter 睇下.....

唯一唔係咁順利就係taxi 既時候, engine 出左問題, 要去返parking bay......不過好彩唔洗轉aircraft 咋....唔係去到關西transit 時, 就可能冇得出去landside 個邊食野, 買野.....

最後我地剩返兩個幾鐘既時間去landside 食野同買野....首先我同其中一位blog 友去食我掛左好耐既豬扒飯.....之後就去左lawson 掃貨......
回到aircraft , 又要工作去.....
回程時, 好意外地俾我發現有位日本女士識講廣東話...起初我地都係以英文溝通.....後來有一次佢冇啦啦同我講廣東話, 我真係覺得好意外....
 後來佢仲同我阿姐講, 話我既日文講得都唔錯.....呢樣令我更加意外.....

 

 我認我係有同佢講過日文, 但都係好簡單個d 客套語..仲要個d 我相信係人都識講個d 囉......我又唔算學過日文, 只係n 年前(大慨中學時...) 我係有一套自學既日文set....不過睇左幾個chapter 就冇心機睇....到而家我諗有成 99 % 都唔記得哂....哈哈!

 

 不過俾佢咁讚, 我都幾開心架....哈哈!

可能因為今日唔係好辛苦, 所以唔算太累, 只不過香港既天氣真係凍左好多..
.大家, 小心著涼啊!