Exhausted!

2009.01.28

第 388 次飛行

7 點鐘standby 開始, 等左4 個幾鐘, 終於有call...係一班我唔鍾意做既馬尼拉 turnaround....

好耐冇做過 manila turn....上次做個時, 公司仲係用緊cuplet而唔係而家既 full cart top, 可想而知, 真係有一段日子冇做.....

後來我仲發覺, 我冇飛 manila turn 咁耐, business class 原來已經cut 左 cocktail service....仲記得以前做business class, manila turn, full load, 仲要做埋 cocktail service, 真係做到嘔血.....(因為太多special drink, 簡直係惡夢)

回到公司, 先知道原來轉左aircraft, 仲要個隻機我以為公司已經賣哂出去, 原來仲未.....聽聞好似仲有兩隻係度......同埋有幾個crew port 左sick, 所以我被call 了......

今次同一個奇怪既老總飛, 佢既 briefing 問既問題都十分奇怪....

1. how to stow your baggage?

2. how to check the seat pocket?

3. how to check lifejacket...

同埋佢係十分緊張custom 既野....其實馬尼拉一d 都唔嚴, 所以都唔明點解佢咁緊張....briefing 完左, 聽同事講, 原來佢係training school 既 trainer...唔怪得.........

去個程唔full, 但都好辛苦....d 菲律賓客不斷要2nd, 3rd, 4th drink....好似好耐未飲過野咁......我一出cabin....就見到成千上萬既手伸哂出黎要野飲.....情況極為恐怖.....

然後又係賣 duty free 既時間....同樣咁恐怖.....個個都100 US 咁俾我, 我邊有錢找??!!! 加上今日standby, 我冇美金係手....所以有d order 我係冇做, 因為冇錢找到.......後來終於等到有客買野俾美金散紙我.....但已經要降落了....我只感覺到自己好似隻癲雞係個cabin 內走黎走去....
有d 找唔到錢既order 諗住唔做....點知有個女人真係極之想買....後來我諗起, 可能佢真係成世人只係坐一次飛機, 又或者佢已經唔會有機會再買, 所以最後, 我同佢講, 佢要買, 就俾錢我.....(因為我終於搵到美金找俾佢), 但降落後, 佢一定要係機上等我俾件貨品佢....咁我見既然都決定做佢個order, 咁不如做埋另一個男人既 last order 吧.....都算佢地都幾合作... (唔合作都唔得, 因為我已經收左佢地錢...haha!!!)

回程, 雖然full load, 但有成兩團香港旅行團.....我覺得有香港人會好一點.....至少唔會飲過不停先......不過都係由起飛忙到落機......
回到香港已經夜深.......我精神都可以, 但最累係對腳......整班機都冇乜胃口食野, 老總仲成日係我最忙既時候黎請我食零食....真係...唉.........算...做那個又唔係你.....完左班機......終於有d胃口食野............好似做左成日...就係等緊放工那一刻...................

仲有幾日standby, 但公司已經俾左班機我, 同我同班機既crew, 都有acknowledgement, 我八掛check 下佢個roster, 佢竟然有rome!!!! 真好呢! 不過我個班都唔差.....做人都係唔好咁貪心......最出奇公司竟然冇拎走我standby 後面兩個short break...變左我飛完下班機, 冇啦啦多左5 日假.....真係多謝哂.....(可能佢見到我2 月既假少得很...)

不過我下班機係唔係真係飛得成.....就要睇下聽晚個standby 有冇變掛啦.....因為公司要轉.....俾左機你都可以轉呢!