悉尼倒數....

2008.12.29 to 2009.01.01

第 382 次飛行

做左幾年空服, 今年係第一次除夕同新年係outport 過......原本係去南非的......好好彩, 幾經辛苦, 終於俾我換到好少少既悉尼機.......

去個程, 被派係business class 工作, 再次面對著有缺陷既 galley...........實在有說不出既無奈.....
 幸好呢個galley 已經做過好幾次...所以問題都唔係太大.....係去個程太多upgrade 客.....又食得又飲得, refill 左好多次....真係做到半死.............

 

亦因為咁, 令我覺得成個service 一d 都唔順利.....去到第2 個service, 我甚至做唔哂d special order, 要麻煩紅姐幫我分膽下..........

到左酒店....等了好一陣子先有房.....對眼真係就黎合埋.......
 拎到房匙, 就立即快快脆脆入房.....點知我行到門口, 見到do not disturb 既紙牌, 我已經覺得奇怪, 因為通常執完房, do not disturb 既牌應該放係房內先係......但我唔理....照開門....一開......我發覺裡面有suitcase, 仲有男性既用品.....嚇到我立即關門.......走返落reception....那個staff 幫我check 左, 發覺我原本間房應該係 651....佢地寫左561, 仲set 埋我條key 做561...........
 其實呢個情況, 我覺得絕對係可以有排投訴.....但我已經累到死, 總之佢唔好再俾錯房我就得啦......行到自己間房, 開門時都仲係有d 驚......anyway, 呢次真係冇人啦.......入到房.....記得鎖門.......鎖門.....鎖門....不過都仲係有d驚會有人開門入黎.....=.=
第一晚與同事吃過晚飯, 食左藥就去訓......又食藥? 係.....因為我又病.....係出發去悉尼前特登去睇醫生, 因為真係唔想再病住咁返黎.......所以今次去到悉尼, 真係要好好去休息下......
到左除夕個日, 街上有好多人.....不過都冇打算出去睇煙花啦......只係留係房內, 對住電腦大哥一齊玩倒數......亦聽見出面好多放煙花的聲音........
回程.....business class 有5 個位剩, 對我黎講已經好好.....全部都係真客黎.....全部都好好人.....仲要唔多飲同唔多食....好乖.....所以service 都順利左好多...........

唯一不滿就係今次悉尼的catering 好唔掂, 我preset 第2 餐的salt and pepper 時, 拎d tray出黎，有兩個tray 既玻璃杯都係爛左既.....有一隻杯爛到整到成碟生果都有玻璃碎...真係太恐怖.....後來, 我係度處理呢d tray 時, 再到派餐時, 我再發覺有d tray 都有玻璃碎片.....唉.....再唔小心俾呢d 玻璃碎片分別界到左右手其中一隻手指.....搞到我d 手指一個個lone 咁...好樣衰.....>.< 真係好想投訴佢地......

無驚無險回到香港......是時候開始準備一年一度的emergency training 啦..............