2009.06.03
山形 --> 銀山 --> 山寺 --> 藏王 --> 山形
與lowbay 商量過後, 我地今天決定由距離山形最遠的景點開始先....我地渣了大慨個半鐘頭車去銀山....而今日我亦都係考完車牌之後第一次渣車.....
平平安安就黎到銀山溫泉.....呢度真係幾靚架, 我相信秋冬黎的時候應該會更加靚....雖然呢度係一個著名的景點, 但可能唔係旺季....遊客好少好少......
走了一個圈, 我地決定試試旅遊書上介紹的其中兩樣食品, 就係咖哩飽同埋滑溜豆腐....
個咖哩飽幾好食, 不過如果再熱d 就更加好.....而豆腐好凍好滑.......非常之好食呢~~!
山寺有成1015級樓梯....基本上, 我同lowbay 行到都冇一半, 已經累到半死......最慘既係...行到一半, 都仲未有d 特別既野睇到.....@.@
行呀行....
我地抖左兩次左右, 終於上到最高點....中途都有d 日本人同遊客打打氣....而最令我佩服既係, 有好多公公婆婆好努力咁上山....如果我第日好似佢地咁一把年紀, 我估我唔會再上黎.....
那時既天色還可以......所以望返落去都唔錯.....
起初我地以為遊山寺要用好耐時間去完成, 但想不到, 唔洗兩個鐘就行完, 落返去後, 又見到另一團公公婆婆開始行上山寺.....佩服佩服.......
亦有d 少女著住高踭鞋上去.....=.=
遊畢山寺, 就由lowbay 渣去藏王, 太累的我.....由山寺訓到去藏王.....
由於唔係冬季的關係, 所以3 條吊車線只得一條開放.....來回都要成2500 yen, 都幾貴下....
呢條吊車線係分兩次坐....分別由山麓站到樹冰高原站, 同埋樹冰高原站到藏王山頂站.....大約坐20 分鐘就到...
呢度 "雪映移城" 曾經介紹過...如果冬季黎到, 將會見到好多好多樹冰........
終到到左藏王山頂.....下面就係藏王地藏專, 係藏王三大神之一...已經有成超過 200 年歷史.....
由於之前行完山寺已經好累....再行上藏王山頂點就更加累.....辛辛苦苦上到去......lowbay 說: "一定要同那個 1703 m 影返張相!!!!"
好好彩....我地一落山, 天就下起大雨來.........
我地趕快上車, 開車...回程去山形....
由於藏王山同山形的距離好近, 所以渣左半個鐘就到酒店, 而呢一日的行程雖然有成3 個景點, 但竟然5 點前就完結, 於是見多左咁多時間, 我地就係山形市行下, 睇下有冇好野食.....
終於係山形站見到有豬扒飯食........不過我個份係凍既....所以麻麻地.....
這天, 雙腳真係好累.....
No comments:
Post a Comment