2009.06.06
盛岡 --> 小岩井農場 --> 十和田湖
昨晚...落好大雨....
今朝...仲落緊雨....
不過.....行程依然要繼續..........
今日, 我地的景點只得一個, 就係 小岩井農場......
因為下著大雨的關係, 天氣都變得比前幾日凍.........
我地就一邊橕著傘, 一邊睇馬.......
再睇擠牛奶......我就冇去擠啦, 因為怕擠完隻手成陣味........
d 羊好得意.....知道我地影佢地.....成日都"得" 個patpat 對住我地.........
呢隻仲衰.....係度小便..........>.<
其實除左陣味我唔係好頂得順....基本上我都幾鍾意羊........下面個張, 好鍾意佢地合埋眼的時候, 好似對住你笑咁.........
然後去左買d 手信就出發去下一個目的地 - 十和田湖.........
而雨一直下.....
我地渣到去十和田湖, 就不斷去搵今晚我地宿一宵的酒店.....由於GPS 冇酒店電話號碼的info, 所以我地只好係十和田湖既南面休屋一帶一邊兜, 一邊搵, 但搵極都搵唔到, 最後lowbay 去到車站度問下酒店大慨既位置係邊....原來唔係休屋個邊....而係個湖的西面.........由於個湖真係十分大...所以由南面渣去西面都要成 20 分鐘.........lowbay 一邊渣, 我一邊篤GPS 既 MAP 去搵間酒店exact 既位置.....終於俾我搵到湖的西面有兩間酒店, 但全部都係日文字, 唔識睇.....而孤菇只係知間酒店英文名, 於是lowbay 一邊渣, 我一邊逐個日文字形容俾lowbay 聽, 睇下係唔係我地要搵的酒店........結果兩間酒店有一間中左....
放低行李後, 要去搵野食....但我地住既酒店附近係乜野餐館都冇......加上我部電話係酒店係接收唔到任何signal, 所以我決定要返去車站個頭食野..........
是日晚餐麻麻.....飯後, 因為當時只係6 點幾, 怕夜晚會餓, 所以去左附近買d 小食回酒店....那店的嬸嬸說, 天文台說, 場雨應該會持續一星期....聽完之後, 真係好灰.........
這晚, 場雨完全冇停過, 仲越下越大.............
聽完嬸嬸的話, 這晚, 我同lowbay 開始研究要改一改之後幾日既行程.....因為有d 地方, 如果落雨既話, 根本去都唔洗去.......
No comments:
Post a Comment