2009.06.05
秋田 --> 田沢湖 --> 抱返溪谷 --> 八幡平 --> 盛岡
今日我地既第一站就係田沢湖.......是日本第一深, 係旅遊書上, 睇到d 景係幾靚既, 於是加入行程之一, 點知去到, 發覺冇人不特止, 仲要冇野好睇.........
所以我地停留左大慨 15 分鐘就走左....
所以我地停留左大慨 15 分鐘就走左....
其實我地由秋田前往田沢湖時, 見到有一條分叉路去抱返溪谷....我記得我係旅遊書見過抱返溪谷呢個景點, 但最後因為 (1) 冇電話唔知點去... (2) 因為景點太多我刪除左呢個地方.......咁既然田沢湖冇野好睇, 咁空出的時間, 我地就決定去一去抱返溪谷看看.....
景色同田沢湖差好遠呢! 
一邊沿路行, 一邊可以欣賞溪谷一帶的景色.........
我地繼續行行行........其實完全唔知盡頭會係邊...........
見到下面呢個牌就知仲有 100 m 就有野睇.........
行行下, 我地見到有位日籍女遊客....咁我地諗住問下佢係唔係都會入去....諗住跟埋佢入山洞, 但佢俾我地的感覺怪怪地....所以我地都係唔好靠佢....
再大慨行左一半路程, lowbay 忽然諗到一個好主意, 就係用佢部相機的閃光燈, 一邊閃住, 一邊穿過山洞........於是我地又行返轉頭, 再次準備入山洞.......行行下, 見到幾位日本人, 佢地話其實係山洞轉個彎就出到去, 同埋過了山洞的景色真係幾靚.......
我地心口掛住個勇字入去.......雖然lowbay 著閃光燈.....但我都係好好好好驚.....結果我係咁撓住lowbay 既手臂唔放...唔放....死都唔放.......好驚......
入到山洞, 發覺係有燈, 但有燈 = 冇燈.....行左一陣, 轉左個小彎, 終於見到個出口呀!!!! 另外仲聽到好強勁的瀑布聲........
於是我地再一次走回頭路, 再一次經過那個我覺得好可怕的黑洞, 雖然過第二次, 但依然都係捉實lowbay 的手臂唔肯放........
回頭路行到尾聲時....我發覺我身上痴左一隻二隻昆蟲, 我實在太怕呢d 野, 所以要勞煩lowbay 幫我抹走身上的昆蟲.....當d 昆蟲已經離開哂我的時候........我忽然看到有條綠色透明的物體係草叢度凸左個頭出黎.....因為隻色同d 草既顏色幾乎一樣, 起初我都唔為意.....再望一望....原來係條蛇........當時條蛇同我的距離只係相差大慨兩個手掌位咋.......
我嚇到大叫: "嘩....個隻乜野黎架???!!!" ,
之後我已經極速係咁走........都黎唔切同lowbay 講我見到個條係蛇黎....
冇耐, 我聽到lowbay 係後面說: "蛇呀~~~~!"
呢個地方....好令我難忘....我久久先平復到情緒........驚完一輪後, 我地係附近食lunch....那個稻庭烏冬十分之好食啊! 乜野料都冇, 只係得清湯 + 烏冬都好好食!!!!
好食到....我即場買左兩包打算返屋企食....
之後我就出發去八幡平.....八幡平係一個火山區黎.....隔離仲有岩手山, 不過岩手山有成 2xxx m 高 , 所以不建議去....我地揀左八幡平, 1613 m 高....同藏王山都係差唔多....但因為個日天氣唔好, 好大霧, 我地渣到上1200 m, 已經好難望到前面既路係點行, 能見到極低.....山下的景色都望唔到....我渣渣下, 說不如唔好再上啦, 回頭.....lowbay 都說好....於是我渣返落山少少....搵個位置同lowbay換位, 等lowbay 渣車....我地決定去盛岡個間酒店.....點知一按 GPS....原來去盛岡係要駛過八幡平呢座山......結果我地又要再一次渣架車上山......渣到1600m 的 見返峠.......那裡亦是秋田縣同岩手縣的交界.....而且係 見返峠, 見到好多雪都仲未溶.......當時又落雨, 又大霧, 又乜都望唔到, lowbay 只好慢慢再渣返落山.....渣左好耐, 終於落左一半....我就落車影左下面呢張相....試想想, 落左一半山, 個天都係咁, 何況當時係1600m 的山上渣車呢!
而這天係咁多日最驚險的一日.........八幡平, 我會再來的..........
No comments:
Post a Comment