工傷

2010.02.06

前幾天, 因為工傷, 寫左份cabin safety report 後, 5 日內要睇公司指定既專科醫生....

諗前諗後, 最後決定去睇....

我同醫生說明自己點樣整親後, 醫生循例同我檢查下, 她說問題不大....暫時不用照x 光...

我問佢係唔係之前整親過一次, 所以好易又會再拉傷等等既問題...

佢話初期最多好得70-80%, 剩返個10-30%需要好長既時間先會好得哂....(所以咁多同事一整親就要請咁耐病假都係咁解....點解公司又唔明白呢?)

然後醫生竟然對我說: "你下次一見到乘客既行李就有咁快走咁快, 唔好幫佢地拎..."

我心諗, 如果下次有乘客叫我拎行李, 我可唔可以話: "醫生叫我唔好再幫你地拎行李喎!"
我相信咁講完, 一定等收一封長長既投訴信都似....
醫生問問我下次既 duty 幾時, 去邊度等等, 佢想開假紙俾我, 但我話唔洗啦.....(1. 差幾日就有張trump card, 雖然我唔知我會點用張卡, 但有好過冇..... 2. 我想返工返工返工, 唔返工我會.....唉....)
之後醫生開藥, 藥丸又有, 藥膏又有, 連貼貼都有....同埋約下次覆診的時間.....

第二日, 我就飛到老遠去....

當我以為自己隻手腕好返時, 我又再次受傷了...

黎緊覆診, 我都唔好意思同醫生講, 因為噴支spray(唔止噴一次), 可能食指長期按住既關係...扯傷了由食指至手腕那部分(也是舊患的一部分)....

不過今次冇打算再寫 cabin safety report, 因為我覺得是一件很麻煩的事....

現在唯有塗藥膏, 同埋盡量唔用食指去打字....