第 306 次飛行
今次班機, 去曼谷之前, 又要去一去新加坡先...同樣地, 又係 full load...基本上, 次次坐呢班機的客, 有成 80 % 都係businessman or woman...不過大慨佢地坐飛機仲多過我, 所以只要 attitude 好, 就應該唔會有問題...
當乘客不斷上機的時候, 我見到一副熟識的面孔...
上兩個月, 我做這班機時, 佢坐係我個zone, 問我拎pillow, blankets, 之後同我講, 一陣派餐唔洗叫佢起身食野, 因為佢要訓覺...那次, 覺得佢有點cool, 但佢態度也挺好...
到上個月中, 又係做呢班機, 我見到佢上機, 佢又係坐係我個zone, 起初我都唔係咁肯定我曾經見過佢, 但佢同上次一樣, 一上機, 未坐低, 就問我拎pillow, blankets, 之後又叫我一陣派餐唔洗叫佢, 到呢個時候, 我問左佢一句:" 佢係唔係上個月又係去過新加坡?", 佢答我: " 係呀, 我成日去新加坡架!", 這個時候, 佢都認得我了...傾左一陣, 佢係因為公司成日派佢去新加坡, 所以一個月要來回新加坡無數次...
到左今次, 我被派左去另一個zone工作, 點知呢位先生, 又係坐係我個zone, 這次, 我好肯定我冇認錯人...(佢次次的衣著都一模一樣...)
佢又係未坐低就問我拎pillow 同 blankets, 但今次佢冇同我講埋一陣唔食野, 雖然係咁, 但我去拎pillow 同 blankets 的時候, 順便拎埋一張"DND" (DO NOT DISTURB) 的貼紙...俾左pillow同 blankets, 隔左一陣, 佢同我講一陣唔食野...我就同佢講, 其實一早已經拎定張貼紙, 因為我記得佢次次上機都唔食野...佢話"今次想食架, 但訓覺重要d 喎... 哈哈哈, 所以都係唔食啦...", 之後佢仲話: "又見到你既...", " 係啦, 你又坐係我個zone...哈哈!" 
回到 galley, 好奇心下, 我睇左張 passenger information list...因為想八下佢係乜野card member, 結果佢係金卡的王生....哈哈哈!
其實乘客認得你, 你又認得佢, 雖然班機係辛苦, 但感覺都隔外親切....
No comments:
Post a Comment