第 307 次飛行
這次係一年一度的巴黎機....
去個程, economy class只得一半客, 加上又係 night flight, 好做得很, 不過阿姐是一個很有原則的環保分子....
1. 首先, 所有俾老總的東西, 不准全部放哂係F/A kit compartment出面的pouch 內, 要放係佢指定要放的位置...(呢個同環保冇關, 只係順便講下...)
2. 不准放裝有水的杯係galley 上面, 因為佢覺得is a waste...但其實我地將裝有水的杯放係 galley top, 只係為左方便客人黎拎水....
3. 平時俾 tea/ coffee, 我地會俾disposable cup, 即係用完即棄的杯, 但阿姐要我地用係1 st meal 的cart 搵番d 未用過的 green cup (即係meal tray 上的杯), 而老實講, 當有個客話要tea/ coffee, 要我係d 客食完的meal tray 拎番d 未用過的 green cup, 我覺得好肉酸, 同埋好污漕...
4. 亦因為我地用 meal tray 上的 plate 同 cup, 所以阿姐唔准我地用 napkin....一包都唔准開...千祈唔好開
5. 做breakfast 時, 有個prepour drink service, 阿姐話, 一隻手拎jug juice, 一隻手拎一tray 空杯, d 客要先倒俾佢...呢樣我有d buy, 因為平時真係剩左好多 juice 要倒左去....不過light loading 咁做還可以, full load 既話就慘囉....
去個程還可以, 同事們都做到哂俾佢, 因為始終係 light loading....但回程....full load....同時回程, 我地要幫公司 recycle d 罐, 同埋而家新增要 recycle d 用過既膠杯...仲要個trash compactor 壞左, 完全唔work...
6. 阿姐說罐放a 位置, 用過的膠杯放b 位置, 垃圾唔准放係galley 兩側的 waste bin, 要丟哂去中間 galley 的 trash compactor...雖然阿姐咁做係好, 但問題係...full load 的情況下, 仲要行去中間galley 丟野, 真係好唔方便...有時我都貪方便, 丟去個waste bin 就算...
7. 好多時d 客會將d 垃圾放係個膠杯俾我地收左去, 我地番到galley, 要丟左膠杯內的垃圾, 再將d杯放係 recycle 膠杯的 bag...老實講...有時見到一堆 tissue, 要我地掏手拎番出黎, 真係好污漕...所以好多時我地會丟左頭一隻有垃圾的杯, 其餘就放係 recycle bag 內..而前面galley 的c 小姐, 因為佢幫我收野時, 有好幾隻杯都有垃圾係裡面...所以佢打算丟埋隻杯去...點知我地阿姐要佢掏手拎番杯內的垃圾番出黎, c 小姐死都唔肯, 阿姐黑左佢面...
8. 睇番第4 個point, 阿姐話一包napkin 都唔准開, 但唔知邊鬼個開左包, 阿姐竟然同我講, 話已經開左好多 napkin (只係有人開左一包咋, 仲係用得幾張咋!), 唔好再開, 因為佢個矛頭只係指向我, 但我確實冇開過, 加上因為collection 時發生一件事, 佢搞到我有d火, 所以我同佢講: "i didn't open any!", 我諗佢都知自己講錯野, 立即同我講:" i don't mean that is you..."
9 阿姐話唔准將裝有水的杯放係 galley top, 但回程完全唔可行, 因為好多客入黎拎野飲, 我地人手又唔夠, 後面我個zone 還好d, 因為全部法國人, 只係飲...前面d chinese...冇杯麵好似會死咁..我地做得杯麵又做唔切drink....好彩阿姐當時去左休息, 所以我地決定放返d 裝有水的杯出黎, 直到阿姐差唔多返黎先收返好去...哈哈! 唔咁樣整, 我地真係搞唔掂...
10. 係後面喪飲, 同前面喪食的情況下, 終於輪到我地休息了...雖然rest period 只係短短3 個鐘, 但估唔到都有事發生左....話說30 H 有個chinese客要 complain, 因為佢坐第一行, 而同個galley 只係一curtain 之隔, 佢話d crew 成日掀curtain 阻住佢休息....又話我地掀得太大力, 仲話我地乜唔係 well-trained 架咩? (確實我地真係冇train 過要開curtain...哈哈!)
後來老總下令前面右面個zone 的 call light, 全部都要後面galley 的人去應, 因為避免中間galley 的c 小姐再掀 curtain 阻住個客, 但問題係, 前面個zone 的 call light, 只有中間galley 先睇得到, 結果老總要次次打電話去後面galley叫同事們 answer 前面個zone 的call light! (幸好當時我係休息緊....)後來到2 nd meal service, 個cart 要係左面第 30 行, 推到後面galley, 再拉番去右面個zone serve 同埋做collection...唔單止佢地不便, 搞到我都不便埋, 因為我又要成日將個cart 推黎推去, 俾個位佢地過... 那一刻, 我真係好想打爆 30 H 個客的頭... 落機後, 聽老總講, 個客其實仲想complain 點解次次c 小姐出入galley, 阿哥都幫佢掀 curtain, 但個客出出入入又唔見阿哥幫佢喎! 嘩! 30 H 個客以為自己係邊個呀???? 阿哥幫c 小姐掀 curtain, 係因為c 小姐要去水, 兩隻手都有拎野, 掀唔到, 所以阿哥幫佢咋....唉...呢d 心理有問題的客, 真係等天收...終於再返到黎香港, 爸爸黎接我機, 我帶左佢去左terminal 2 食早餐, 而機上發生的事都一掃而空...
No comments:
Post a Comment