我地3 個中午時分就去左opera 附近lunch, 同埋行街街..
因為太后叫我幫佢去 LV 睇個袋, 令我第一次踏足LV....連兩位同事都估唔到我入都未入過去...
太后想要的袋已經係舊款, 打算放棄之際, 竟然俾我睇中左個袋呀~~~~!!!!!!!!!不過我需要一晚時間去諗諗, 因為實在太貴...
由於個邊的 metro 罷工, 所以周圍都traffic jam, 原本 15-20 分鐘就可以回到酒店, 我地要成個鐘先到...
到第2 日, 我地又再戰LV, 今次仲有另一班機的糖果加入埋....結果孤菇豪掟半個月人工, 買左個一生人第一個LV 袋....起初想買最傳統個隻袋, 但我拎上手, 好似老左十年咁....最後買左另一個明年春季新出的款, 呵呵!
shopping 完一輪, 我地去左羅浮宮....
大家睇下, 無論你係邊個角度睇Mona Lisa, 佢都係度望緊你....你話驚唔驚先?
回到酒店, 因為我要swap 機, 而同事們想去 supermarket 掃貨, 所以佢地打算將佢地的 LV 袋放係我間房內...由我保管住先....等佢地去完 supermarket 先返黎拎...點知我係間房上上下網, 發覺個internet 又 overcharge 我, 明明我用得一日, 佢charge左我兩日錢, 搞到我用兩日, 要俾4 日錢, 於是我去左 front desk 查詢, 有冇得void 番 兩日錢...唔知係佢地聽唔明, 定係我講得唔清楚, 佢地成日以為係我部電腦有問題, 仲派左個人上去我間房, 當front desk 同我講, 那位 Technician 已經開左我間房, 我嚇到飛奔上去...我一出lift, 已經見到3 位同事係我間房外驚嚇的表情....
我再望望我間房, 有個法籍男人坐係度, 搞緊我部電腦....3 位同事都問我發生乜野事...一時之間, 我又唔知點解釋好...
佢地仲以為呢個係唔係我的法籍男友...
3 位同事都好關心孤菇, 怕得我同呢個男人獨處會有危險....不過我想說, 其實那一刻我最驚既, 就係我地d LV 袋會唔見哂...後來解釋左一大輪, 我打發左個男人....
而最後我void 唔到那兩日錢, 因為credit card 已經過左數....激死人啦! 
今次的paris 之旅, 真係破破費....
No comments:
Post a Comment