與積奇林同行舊金山 (上)

2007.11.04 to 08

第 305 次飛行

上個月尾check 左個crew list, 先見到積奇林這個名字...這個名字, 曾經係同事口中聽過不少慘事...已將其名列為 "十大"...本身都想swap 走, 但我知道時已經太遲, 加上我要去三藩市探我honey, 所以非去不可...

佢入到briefing room, 如我所料, 會叫大家拎番d passport 出黎, 俾張相佢睇下.... 幸好我passport 上的相並不是影得太樣衰...呵呵!

好好彩, 今次我係做upper deck 的business class...唔駛check economy class 的每一個位是否真的working, 而business class 的seat, 阿哥好好人, 自己check 哂...service 時, economy class 搞成點我就唔係太知, 但business class, 雖然阿哥係好好人, 但佢成日都叫我唔好做collection, 要我同佢出 2 man trolley...到我地架trolley 有野需要的時候, 我打算 回 galley 拎, 但阿哥話唔洗, 叮阿姐出黎就可以了, 阿姐勁慘, 又要 repenlish, 又要做collection, 又要 serve cockpit, d cockpit 又唔聽話, 我最憎那個SO ( second officer 二副機師) ,on ground 又要can of coke, 俾左佢之後, 點知佢話要 zero?! 唔該你一早講清楚d! 你知唔知我地on ground 好鬼忙架?! service 時, 成日係條 aisle 行黎行去, 阻鬼住哂... 又要俾個位你過.... 最乞人憎係...佢係自己的 seat 食完自己的餐後, 竟然入黎galley 問我地有冇extra?! 之後成個人企係個galley 食野, 個galley 有幾大呀? 你成個人企左係度, 我點拎刀刀叉叉? 駕駛艙內另外3 位機師梗係我地最忙的時候話要一齊食野...3 個cockpit, 即係要拎3 個tray, 3 杯drink...你地以為阿姐係千手觀音咩?! 陰公...最後要阿姐, 阿哥, 同埋我3 個人一齊入 cockpit serve 佢地3 個大粒佬....總之, 去個程, 我完全睇到阿姐慘到爆...不過有時我都唔聽阿哥話, 去左做collection...我覺得起碼都應該收左前半個zone 既東西先啦...叫阿姐一個收, 冇可能啦....做死佢咩?! 

講番積奇林老總...唔知佢搞到個economy class 點, 只見佢上黎我地business class 搵野食...仲話要將cockpit 的生果俾economy class 的客... 其實我覺得佢又冇乜野, 不過佢真係對d 客好好....好到好耐都冇出 rest period...我走落去main deck 睇下發生乜野事...見到老總叫左economy class 的男同事 a 計 rest period...哈哈! 最後rest period 3 個鐘都冇...

第一group rest 的時候, 我要去 economy class assist, 那時我已經知道積奇林要我地一陣做structural snacks service...點知積奇林忽然話不如等第一group rest 完番黎做左2 nd service 先, 之後先2 nd group rest...再做structural snacks service, 我地心諗, 唔好玩啦! 搞左一大輪, 佢維持番要1 st group 做stuctural snacks service, 起初話出 noodles 要出cart 咁去...但後來多得中間galley 的韓姐, 說一tray tray 咁去會好點, 所以積奇林決定只係drink 出 cart 就可以了...結果我地的 structural snacks service 係出左sandwiches 先(但韓姐話唔洗出special meal 的 sandwiches), 之後出noodles, 最後出drink cart...因為中間galley 有位同事去左rest, 所以我就replace 那位同事出 drink cart...積奇林話要放埋tea /coffee, 我沒有理會...只係放水, juice 同soft drinks 就去service...結果好多客都醒哂....要東要西...我去drinks 時, 佢地先話要 noodles? 當時人手唔夠, 我真係唔知點搵同事俾個麵你囉!   我以飛快的速度, 由第30 行, 做到56 行...再以飛快的速度番去前面的galley....哈哈! 這時, 老總發覺我地冇派 special meal 的飽, 我地都好老實話韓姐叫唔洗派, 結果積奇林話左韓姐一陣, 之後要我地派左去....那時已經到我地休息的時候了, 所以呢個工作就交俾接更的同事們....

終於可以去休息...但由於之前做到太hyper, 搞到訓唔著....

我地終於去到三藩市, 因為有一少部分的同事不是與我地同一個pattern, 所以積奇林係酒店做左一個好簡短的debriefing....當中我好記得佢咁講:"u all have done a great job, i really want to cry!" 就係佢講呢句之後, 有位將會跟積奇林回香港的同事說: " i want to cry too!" (因為要同你同機返香港), 那一刻, 我真係忍唔住笑....哈哈!

而孤菇....當然都係要同積奇林回香港啦...