第 320 次飛行
這次可謂出師不利....
由於去多倫多這麼長途的關係, 所以乘客帶上黎的行李都十分大件...期間, 有位乘客要求我幫佢將行李放上去...點知我拎一拎, 覺得重, 於是我叫佢同我一齊搬, 點知我發覺都係拎唔掂, 當時好多同事都好忙...我只好叫一位男乘客幫一幫手...3 個人一齊拎件行李上去, 點知中途, 物主let go 左件行李, 而幫手的男乘客係咁叫"it's too heavy!", 當時孤菇的手已經叫係離開左行李的狀態..而件行李亦跌左落黎...就快跌係一對年老的 couple 頭上, 危急之下, 我用了自己的左手頂住...由於那件行李太重的關係...行李將我的左手扭向左邊....我就眼白白睇住我隻左手受傷, 扭傷, 叫痛, 而我眼淚也差點飛了出來....那一刻, 我以為我的左手就咁殘廢...因為那時完全係痛左唔識動....我只係識用右手攬住隻左手叫:" 好痛好痛..." 當時對面aisle 的同事s見到...立即走黎幫手拎行李, 但已經趕唔切, 我已經受了傷, 同事s 立即一邊叫我回galley 用冰敷, 一邊係咁鬧個客....用冰敷左, 好了點...但都係痛...連關overhead locker 的力都冇.....同事s 叫我不如而家port sick...但想起5 天多倫多的飛行時間及allowance, 我就唔捨得, 加上我last min port sick, 同事們會少了一個人工作, 也不太好...最後我決定繼續飛....呢個時候, 真係要學下長今精神..."我係唔可以放棄既!"
怎料, 我一係galley 行番出cabin, 竟然立即有位乘客好似見到救星咁同我講: "would you please help me to stow the baggages into the overhead locker? " 唉...我只可說: " i m so sorry that i can't help you, my hand is hurt because of passenger's baggages just now..."
因為受傷了, 個人開始失魂落魄...派menu card 走左去派return sector 個d, 造成同事們的不便....
起初, 自己好似完全唔知自己想點, 唔知自己做緊d 乜野....不過隨著d tv 開始壞, 我又要打醒十二分精神去工作....這次最麻煩竟然是最冷門的鬼佬....
首先係66 HK 兩個鬼佬, 係做cocktail service 及 meal service時, 飲完一杯又一杯..飲飲下 , 66 K 的tv 壞左, 佢叫reset 左好幾次都唔得, 其實我都好後期先知道呢件事, 所以我去問阿姐個情況, 那時我先知阿姐已經reset 左幾次都唔得...但又好奇怪, 阿姐只係識不斷 reset, 完全冇下一步的行動, 那時我覺得最好的方法就係調位...但因為66 H 同K 係一齊坐既, 所以調既話, 佢地兩個堅持都要坐埋一齊...剛剛有個賓賓投訴佢張桌斜左, 而佢隔離又有個空位, 所以我就打算叫賓賓坐係那兩個鬼佬的座位...而兩個鬼佬就坐賓賓那個位和隔離的空位...點知兩個鬼佬唔鍾意那兩部電視機唔係同個座位對正...(因為那行剛剛係三個座位與四個座位之間, 所以要睇電視既話要打斜看....), 於是我只好再另找乘客調位...幸好, 有個好心人肯同佢地調...我真係好多謝佢...因為佢不單止冇介意我阻住左佢睇電視的時間, 仲要我一問佢, 佢都唔洗諗就話好...
還以為事件告一段落...點知佢地還有另一個朋友, 坐係 55 G, 十分麻煩..首先 cocktail 的時候, 佢話佢唔食peanuts, 叫我俾其他野佢食...之後我俾左d 餅乾佢...佢指住其中一包, 說: " this is what i want", 我心諗, 你係知道你自己想食d 乜野既, 好心你就直情同我講你想食那東西啦....唔好同我講: " i want something else"... 之後meal service...又係成日唔見左佢, 唔知佢去左邊, 好彩我一眼關七, 睇到佢冇食野, 立即問佢者....
完左 meal service, 我忽然見到佢同老總係度傾計...老總唔知同佢解決d 乜野, 之後有同事走黎問我...emergency exit 那個seat 客可唔可以坐...其實那個座位同客的座位一d分別都冇....但那個其實係 crew seat 黎既...只有被trained 過的空中服務員先坐得....但那位55G 的乘客話佢坐的位太熱, 死都要調去個crew seat 坐...(其實我覺得兩個位都係咁熱), 老總梗係同佢講唔得啦, 但那個客說上次d 同事都俾佢咁坐...blahblahblah...而最後我唔知老總同佢講左d 乜, 但我見到既係, 個客有得坐crew seat, 老總仲送左支紅酒俾佢....唉.....
其實呢3 個人...係因為見到business class 有好多空位, 想搏坐 business class, 因為那個壞了電視的鬼佬說要坐business class, 我說: "if u want to sit in business class, i can check the price for you, , and u can sit there after you pay..." 佢立即唔出聲啦! 真係好想講句: "男人老狗, 唔好咁cheap 啦!"
捱著左手的痛, 終於去左多倫多, 由於飛機滑行的時候忽然停低左, 好多客都以為已經到左 gate, 起哂身, 我地就梗係立即叫佢地坐番低啦! 門都未開...1 st class 同 business class 的客都未走, 佢地都有排等啦...真係唔明, 成日咁心急做乜...就係我行出去叫佢地坐低時, 我竟然見到那個叫我搬行李的乘客, 竟然係第一個自己可以一個人拎件行李落黎的人!
那刻...我撫摸自己的左手, 這個傷痛我以後都唔會忘記....唔好見我inflight 的時候仲可以笑笑口咁做野, 其實我隻左手痛到不知哭了多少次....(還是等5 日後回港睇醫生吧!)
No comments:
Post a Comment