稱職的老總

2008.01.05 to 08

第 318 次飛行

已經有成3 年冇做過奧克蘭機, 雖然這次兩程機都係full, 回程有一班北京團...(幸好他們都十分有禮貌), 兩程夾埋20 個鐘都係冇停過咁去餐, 去drink, 同埋去杯麵, 但多左老總的幫手, 成程機真係唔同d...

本來呢班機, 我係唔需要做duty free 的, 但點知因為做duty free position 的同事係未train 做bar sales 既, 所以係老總的大執位下, 我竟然被assign 賣bar...當中我知道有另一位sales team 的同事, 佢都有叫我俾個位佢做, 但...既然個天俾左呢個位我做, 我都唔想調走...呵呵! 最後仲賣左好多好多錢...

最surprise 既, 就係老總兩程4 個service 加埋做杯麵 service 都有參與...佢既參與唔似其他老總只係識行行企企去下tea/coffee 就算, 而係直情同我地一齊去 2 man cart, 仲要堅持派tray 添! 最勁係佢派tray 快過cabin 內任何一位同事.... 樣樣野都親力親為, repenlish 又係佢自己整, 到冇哂entree, 佢會自己去business class 睇下有冇extra...後來我地後面galley 冇哂 orange juice, 佢又係自己一個衝去前面拎...真係令我地一眾人都好impressed!  真係多得老總, 令我地每一個service 都好快, 同埋好順利咁完成...有時我心諗, 如果班班機的老總都係咁就好囉....

最估都估唔到既就係呢班機勁多 sales order...由於1 st group 去休息時, 得我一個係 galley, 又要做order, 又要應call light, 仲要check washroom...到第一group rest 完番黎....我一啖水, 一啖野都未食過... 打開個oven 諗住食野, 點知已經凍哂, 連個yogurt 亦因為放得太耐都變埋水唔食得...最後我只好食d 客最鍾意食的杯麵....嗚.....

而結果兩程機, 我都係捱餓, 同埋只係訓得個半鐘的情況下完成左...

這班機上, 有第一水飛 long flight 的同事, 亦有同事做完呢班機就辭職唔做...做呢行, 真係來去匆匆...