減產

2008.01.10 to 11

第 319 次飛行

這次我要去的地方係日本的福崗....4 程竟然都唔full, 仲要係 business class 做, 重點係d 客唔係點食野, 所以真係遊閒得很....

去到福崗, 同事們打算去遠d個間食拉麵, 同埋去大掃貨...但我唔想買太多野, 同埋幾凍唔想行太遠, 最後只係同紫姐去左對面食拉麵算了....點知就係門口, 遇到兩位日本男人係度撩我地....我好懷疑其中一個飲醉左少少...因為佢成個人撞埋去個垃圾桶度... 嚇到我同阿姐一買完飛就入左去拉麵館坐...點知隔左一陣, 兩位男人又入左黎, 仲坐係我隔離....之後醉醉地那個男人又用日文同我講野, 我扮聽唔到, 其實我根本都聽唔明佢地講乜...呵呵! 紫姐話快d 食完快d 走...結果係佢地走先....等佢地走左一陣, 我地先走....

點知係出面又見到佢地兩個....

我地急急步走到supermarket....事件先告一段落.......

回香港, 因為近日訓得唔好....所以真係累得很....我差點係take off 同 landing 的時候睡著了...最後我真係頂唔順, 取了我partner 的 pa book 做after landing accouncement....

完左呢班機, 孤菇黎緊呢9 日都會係香港, 因為有兩日假, 之後係 3 day 的 annual training, 之後放棄了見仔仔的機會, 請了假, 處理公公的身後事...再要飛的時候, 已經係20 號了....

這個月, 望望自己個roster, 只得4 班機, 仲要有一班機係 cross mth...孤菇開始減產了....