三人行 Niagara Falls

2008.01.21 to 22

難得有機會黎到多倫多, 一心都諗住去 niagara falls, 起初諗住自己一個人join tour 去既, 點知入briefing room 時, 同事s & f 兩位classmates 問有冇人有興趣去 niagara falls,  咁我梗係join 埋佢地啦!

第一晚去到, 阿姐j 話有巴士去casino, 好平, 只係需要 CAD $ 5 就去到...阿姐指一指左邊的方向, 話行一陣就會見到, 於是我地第2 日就向住左邊咁行, 點知行左成個鐘, 一個中文字的舖頭都見唔到... 係零下 12 度的天氣下, 雖然我地已經著左厚厚的外衣, 但地上的寒氣, 滲入鞋底, 再滲入腳底, 令到雙腳已經好唔係唔自己咁.... 我地由9 點半行到 10 點半都未搵到...去睇greyhound 的巴士又好貴下, 結果我地決定回酒店唔理阿姐訓醒未, 都照打個電話問佢個間tour office 究竟係邊...阿姐勁好人, 冇怪我地嘈醒左佢, 仲立即走落黎, 帶我地去過一條街 "泰安旅行社", 而我地好好彩, 趕得切 11: 40 分的巴士... 於是我地立即去麥記買d 野食, 就坐兩個鐘頭巴士去Niagara Falls 既 casino....

不過我地發覺旅行社加左價...原本係 casino 拎番 10 蚊後, 去呢個trip 只係需要5 蚊...但而家的收費係:

如果本身冇casino membership card 既話, 首先要俾 $30, 之後去左casino, issue 左張 permanent card 後, 就去 cashier 拎番$10, 即係成個trip 要 $20...而張 membership card 係永久的...

如果本身有membership card, 只係需要俾 $15, 之後去到casino, 去 cashier 退番$10 俾你, 即係你第2 次打後去Niagara Falls, 就真係只需要 $5....
所以我地幾個真係要好好keep 住張 casino membership card...呵呵!

 

退左錢後, 我地就漫游 Niagara Falls....今次係孤菇第二次去, 上一次黎應該係 04年3 月, 當時我記得有好多人, 但今日明顯地少人....所以影相都好方便, 唔會有咁多人阻住...哈哈!
Niagara Falls 依然好靚....不過我與同事f 都發覺d 水好似黃左...

但行下行下, 開始覺得凍, 連拎住部相機幫同事 s & f 影相我都覺得有d 困難....我地由兩點幾, 行到差唔多5 點, 開始凍到頂唔順...決定買少少 souvenirs, 就回 casino....我地本來想搭5 : 30 的車走, 但我地必須留係 casino 至少 5 個鐘, 即係我地一定要坐番原本 7 : 30 的車回toranto...結果我地只好坐係foodcourt等到7 點半...
踏入6 點, 天已經黑, 還開始落雪...我地3 個立即出去感受下....哈哈!

 

捱到 7 點半, 再坐番兩個鐘頭車回 toranto, 之後去左附近食thai food 醫肚....
更多niagara falls 照片在: http://www.flickr.com/photos/92347866@N00/

第三日, 我地約左去 eaton centre shopping, 雖然有d 野有 sales, 但諗落買番去又冇乜野用, 最後我的戰利品只得一件 T-shirt...也好...近日放棄了一些額外收入, 係時候好好儲好自己那份allowance...

由於我地走個日要好早pick up, 所以打算早d 食晚飯, 再早d 訓....點知夜晚收到老總的電話........

待續....