一千零一個眼訓

2008.01.15

今日比昨日更難捱...早上有教點對付d unruly pax, 學下手扣, 同埋有一個mock up exercise 要做....同埋有樣野新既就係要學下點處理機上的炸彈....上年只係講下個checklist, 但今年直情要做埋出黎, 下午就比較重要d, 因為講emergency equipment 同埋 dangerous goods, 由於前日訓得唔夠, 昨晚雖然早訓左, 但今朝又要早起, 加上今日又係第2 日, 所以更加辛苦.... 有幾次我幾乎訓著.... 結果只好去買左兩包香口膠捱到放學...

一眼訓, 好多時俾trainer 問書, 都會唔小心答錯...下面就係孤菇個case...

話說trainer 問見到 oven fire (裡面有garlic bread), 咁點做?

孤菇答:" close the oven door, turn off the power, then let the garlic bread burn out..."

孤菇講完, 唔單止自己係度笑, 係世界都係度笑...唉...太眼訓左, 完全唔知自己講緊d乜....

另外, 今次俾我遇番上次同我一齊 annual training 的同事天使....點解我咁記得佢, 除左佢上年同我一齊train 外, 仲有我同佢飛左兩次, 重點係....佢做既野, 同佢講既野...都係十分怪同騎呢...而今日我先發覺, 佢竟然係我的那位"o岩咀型" 同事兼朋友e 的 classmate.. 佢係training 講既野, 問既問題, 連坐係我隔離的老總都搖哂頭, 今日老總仲同我講: "我要認住佢先, 同佢飛的時候我要小心d 先得..." 笑鬼死我...

講開這位同事, 今日做mock up exercise 時, 就發生唔見 megaphone 事件...

話說老總係負責 L1 (左手邊第一個門), 天使係負責R2 (右手邊的第二個門), 咁逃生的時候, 正常黎講, 應該去最近自己的門口逃生, 同埋只要拎哂自己area 內的 emergency equipment 就可以了...當時的情況係, 右邊所有門都係開唔到, 所以全世界都要去左邊門逃生...而當時最近天使的逃生門係L2 (即係左邊第2 個門), 點知佢最後去了L1 (左邊第一個門)逃生.....仲拎了L1 (左邊第一個門口)的 megaphone...我地一眾同事係出面等左好耐, 負責L1 的老總遲遲都未出黎....原來佢係度搵緊一個已經俾人拎走左的 megaphone... 最後點....孤菇就唔講啦....

比起上年, 今年的氣氛真係好好多...

聽日係最後一日啦....快d 過啦!