不能解釋的無奈 (上)

2008.03.02 to 06

第 327 次飛行

完成左峇里turnaround, 第2 日接著要去bombay - 孟買...

孟買之旅有6 程機, 除左其中一程外, 其他全部都 full....

奇怪的是呢班機一位男 crew 都沒有....而我今次工作的galley, 另外 3 位同事是沒有做過bombay, 其中兩位是新人, 阿姐出奇地唔係印度人....

第一日: 香港 - 曼谷: 沒有什麼大問題發生....

第一日: 曼谷 - 孟買: 問題開始...

只得3 個位剩, 做service 時, 阿姐有段時間唔見左人, 心想應該係有事發生左, 果然係...30D 的電視出左問題...由於30 係第一行, 所以所有電視都會放係椅子下面, 要睇電視時, 要press 個button, 拉出電視....而係第一行前面有一個小小的電視, 係播 safety video 時用的...亦因為咁, 同事check safter video 時, 只係check 左那一部小小的電視, 而沒有check 過第一行椅子下面的電視...而第一程香港去曼谷坐 30 D 的客人冇睇過電視, 所以亦冇拉過部電視出黎, 自然都唔知部電視出左問題...到第二程, 曼谷去孟買, 客人要睇, 所以打算拉部機出黎, 點知, 先發覺部電視俾膠紙"痴"住哂...仲要貼左個label 話唔用得...即係d engineer 完全冇整過, 用膠紙"痴"住就算了, 而個ground staff 又冇通知個客, 咁個客梗係好嬲啦! 同事走去搵老總, 點知老總的反應係: "你搵五姐啦!", 五姐覺得老總根本唔想 support 我地, 怕麻煩死都唔去同個客傾...嬲得濟, 同個客傾傾下, 問佢: "would you like to see my manager?", 將個波俾番老總... 最後老總梗係死死氣氣咁落左去同個客傾啦, 亦都係briefing 完左後, 我第一次見到老總出現係經濟客艙....

另外有兩個客的電視都有問題...其中一位好d, 佢肯調位, 但另一位, 自己電視有問題, 俾位佢調, 又賺呢樣個樣, 大佬呀, 全機得番3 個空位咋! 有位你唔調, 仲係度mama 聲, 想點? 之後就話佢order 的duty free 咁耐都未黎, 我同佢解決佢的order 差唔多起飛先俾我, 所以我再完成我的duty 先可以做佢的order, 同佢解釋完, 佢對我又ok喎, 所以我發覺d 客對唔同同事會有唔同的態度...@@.....而阿姐係我打算做drink service 時, 拜託我幫另一個好d 的客人調位....等佢有得睇電視...

調完位後, 其實所有同事的drink service 都開始了一會兒...我立即回到我的崗位, 拉住我個drink cart 出發...(係度要解釋一下先, 香港去曼谷, 因為飛行時間比較短, 所以meal service 前係冇drink service 的, 但曼谷去孟買的飛行時間比較長, 所以係派餐前係有個drink service...而第一程香港去曼谷派餐時, 已經用左一部分drink cart 內的drink, 所以係曼谷transit 緊的時候, 我地要執番個drink cart, 準備曼谷去孟買的drink service, 因為我地會出4 個drink cart, 所以我地自己一人執番一架...而我一向都會執番standard 的drink cart, 即係本身那層係放4 包橙汁, 4 包蘋果汁, 我會放o岩數落去, 邊層放soft drink, 我都會放番幾多落去, 只會放多, 不會放少....好...我解釋到呢度先....) 第一位客人要橙汁, 我打開最低個層睇下, 驚見只得一包橙汁, 3 包蘋果汁, 其他全部都係可樂....我再睇下上面個幾層, 幾乎全部都係可樂....好明顯呢個drink cart 唔係我執, 更加明顯既係我partner 拎左我執的那個cart 出去.... 我唔係介意佢拎左我執的drink cart, 但佢都唔洗執到個drink cart 咁既樣掛...叫我點做?  我已經慢左啦, 仲要自己返去galley執番個drink cart...好無奈.... 我有諗過同唔同我partner 講, 教佢下次點執個cart, 但諗諗下, 廢事講, 算吧....因為都唔知點同佢講好....=.= 不過老實講, 那刻我真係有d 嬲嬲地.....

我地做哂service, 老總先落黎...咁例牌我地都會同佢講thank you架啦, 咁有同事對佢咁講, 點知佢話: "做乜同我講thank you? 我係唔會幫你地架喎!" 嘩, 洗唔洗咁講野呀? 都知你唔會幫, 但尊重你先講唔該, 但換來係咁既反應....
至於第一日的客人, 出奇地比我想像中好, 起初我仲諗住我架drink cart 一定永遠都返唔到galley, 點知又ok 喎, 好少人問2 nd drink....除左有位印度小朋友係咁催得拎朱古力奶外, 都冇乜特別啦....

到降落前, 又有事發生, 阿姐check cabin, 有位印度男人唔扣安全帶, 仲話自己扣唔到, 但佢係由香港去曼谷的時候已經係度坐, 冇理由而家先唔o岩扣...阿姐見佢咁講, 俾條加長的seatbelt 俾佢, 點知呢個時候個男人又話自己扣到但都係唔扣喎...阿姐去同老總傾, 話個客唔合作, 點知老總又唔想落去, 叫左紫姐同個客講....就係呢個時候, 位印度男人話阿姐stupid, crazy...阿姐嬲得濟, 禮貌說一句: " please mind your words..."

我都唔明白, 好似所有人都衝著阿姐而來咁...那位印度男人係煩, 所以我認得佢, 但佢對我又冇乜野喎....
不過我地最不幸既係, 有一位唔support + 逃避的老總.... 

因為之前個日飛完turnaround, 未休息好就要飛去 bombay, 所以一落機回到酒店, 我足足訓到做shuttle前一兩個鐘先起身.....