不能解釋的無奈 (中)

2008.03.02 to 06

第 327 次飛行

第二日半夜做班shuttle: 孟買 - 杜拜 - 孟買

比昨日辛苦既係, 要捱夜....不過因為我今日訓夠的關係, 所以感覺好過第一日...

係孟買上機, 有位印度母親, 猜埋個女上機, 都未坐好, 就同我講佢要 upgrade 去 business class, 咁我都好老實同佢講, 要upgrade 既話, 我會幫佢check 個price, 要佢俾錢, or 用asia mile upgrade...點知佢反應好大, 係咁講自己係乜乜 skywards 的members, ground staff 答應佢如果economy class 太full, 就upgrade 佢去business class, 但那時門已關了, 我搵唔到ground staff 同佢對質...我又唔知skywards 係乜野黎...可能係另一個同 asia miles 差唔多既飛行計劃, 但點都好, 都唔可以係唔係都upgrade 麻...同佢解釋左幾次, 佢死都唔聽. 仲係咁同我講skywards, skywards...唉...最後我都廢事再同佢講下去, 我用左個excuse, 話check下ground staff 有冇係佢的 info 寫低, 我就走左....再同阿姐report, 但我心想...搵阿姐未必有用, 最後我搵埋後面galley 的印度阿姐, 話哂佢成日做呢d 機, 可以知skywards 係乜野黎..哈哈! 最後印姐去同個客講...其實講d 野同我講既野一樣....但那位媽媽俾佢一咁講完, 就乜事都冇....真係..... 不過佢又點會咁易放過我地啦, 到meal service, 呢樣又話唔食, 個樣又話唔食, 其實想我地係business class 拎d 野俾佢食之麻...真係唔明...佢著到咁有錢, 就好心佢自己出多d 錢買張 business class ticket 啦....仲要話自己係 skywards 乜乜乜, 講到自己好威咁...呢d 人其實就係最最 cheap....
去到杜拜, 我打算去前面set 報紙車, 咁印姐, 同我阿姐分別都叫我幫佢地拎香港同印度報紙...佢地兩位咁好人, 又咁幫得手, 我梗係會幫...就係我上前面放報紙的地方時, 我見到老總都係度搵報紙, 佢要搵既係蘋果日報 apply daily...可惜前面個d 全部都係英文報紙同埋一d 明報, 經濟日報, 佢一見我埋黎, 就行左係側邊, 叫我搵蘋果俾佢, 我老實說, 前面沒有...只得明報, 經濟...等等, 佢就話: " o下? 得經濟咋, 唔要...", 再說: "你搵下後面有冇啦...", 我心諗, 我上黎係打算搵少少英文報紙去 set 架報紙車, set 完先搵d 報紙俾阿姐架喎! 點解老總自己想睇報紙, 自己唔搵, 要我搵?  結果要我拎走哂出面重重的報紙, 睇裡面個d 報紙有冇蘋果日報, 終於....搵到...一拎完就走? 留番成地報紙俾我同位新人搞掂去...有冇過分d? 仲要搞到亂鬼哂..... 
事後...前面的同事同我講老總係度睇緊經濟日報, 乜佢頭先唔係一見到經濟日報就話唔要架咩? 做乜而家又睇呀? 真係有d 嬲....可能大家會覺得我小器...但我真係唔鍾意d 人得個坐, 唔做野囉...仲要俾我知道佢inflight 睇報紙, cockpit 打電話出黎佢都唔聽, 搞到cockpit 最後打左去door 2 的 galley 要 drink 呀!  cockpit 冇report 老總, 佢都偷笑啦....本來我冇對老總有d乜野不滿, 但呢件事後, 連我都唔係太喜歡佢....

唯一唔full 個程, 就係杜拜返孟買個程...可惜總有幾位印度人唔知自己的酒量, 係咁問每一位經過佢身邊的同事要 whisky...唔俾佢, 又話我地玩歧視....我唔明點解d 人成日都咁睇自己....你話我地歧視你, 其實係你自己歧視緊你自己....唉....後來聽印姐講, 佢地出去外面打工, 俾左好多錢 agent...上到機見免費有酒飲, 所以會係咁飲, 唔理自己掂唔掂, 試過有一次個客醉左, 連機都落唔到, 要叫police 帶佢走, 因為咁, 所以搞到個客以後都冇得去出面打工...事後印姐覺得自己累左人...到呢一刻佢都仲後悔緊...所以以後佢都唔會再俾d 客搞成咁...唉, 為左飲酒, 搞到自己冇工, 冇錢, 又真係慘既....

捱了個夜, 回到孟買, 與partner 係 coffee shop 食左個fish and chips, 就回房休息去......