這個站係...悉尼

2008.03.27 to 28
 

 到達悉尼那一晚, 與朋友食了頓日式晚飯, 之後就去左Lindt cafe 食dessert...

 

唔知係唔係d 咖啡太勁的關係, 那晚我訓得好差....(其實呢排我都係訓得差架啦, 只係冇可能做完班機都可能只係訓得4 個鐘者....)
第2 天, 個頭勁痛...慘....不過都有出去...去左manly beach..原因係朋友個d 有個group discussion, 所以要去佢所讀的 college 一趟....而呢間college 就正正係 manly beach 上....

 

因為孤菇狂影相的關係, 所以遲了成個鐘先上船....
再上大約 20 分鐘的斜路, 終於到左朋友所讀的 college..

 

一入到去, 見到以上的建築物, 真係估唔到, 成座古堡咁....令我想起harry potter...哈哈!
仲有學校出面掛左好多國旗, 代表係度讀書同學的國籍, 香港都有份架!
去左computer lap等左個幾鐘, 就落山了, 落山的時候, 都差唔多天黑了....下午炎熱的天氣, 到了晚上, 涼了許多.....

 

由於走了一天路, 所以很累, 點知仲要行左成個鐘, 先去到dinner 的地方.....真係累上加累, 吃了頓 korean food 後, 我終於頂唔順, 坐昂貴既 monorail 回酒店...係monorail 上, 竟然擁了一班香港旅行團....唉, 真係不希望明天回港見到佢地, 因為佢地好......."嘈"....最印象深刻既係佢地一上車就說: "快d搵位坐, 你坐呢度, 我坐呢度...".....期間, 我仲聽到位導遊介紹darling harbour, 原來中文係叫 "情人港"......

這晚就訓得好, 幸好訓得好, 如果唔係, 回程9 個鐘的機程, 仲要冇得休息, 真係唔知點捱.....

這次更多的相片可以去番呢個photo album: http://www.flickr.com/photos/92347866@N00/sets/72157604310677408/ 

下次再見到大家, 睇怕要yahoo blog 更新個system後啦, 仲要希望yahoo blog 更新後冇乜冬瓜豆腐....