無冷氣

2010.10.03

第 500 次飛行

踏入十月份的第一班機....
還以為今日會有一個好開始...
怎料, 航機都未在香港起飛, 我們galley 的所有同事已經被一對港產夫婦鬧到七彩...
事源我們一眾空服一上到機, 有人通知我們apu 出現問題, 我都不是太清楚apu是什麼, 總之一句講哂, on ground 的時候, 航機上並沒有冷氣....即是話, 熱到死.....
地勤人員已經將全機的窗簾拉低, 但老實說作用不大....
乘客都未登機, 我已經開始出汗...........
到乘客登機時, 起初都沒有太大問題, 但後來來了一班某某旅行社的香港團, 就出事了....
有幾位港客一上機就話:"嘩...好熱...."
大部分時間, 參加旅行團的乘客都會被編排坐機尾, 而機尾亦是坐機最熱的地方......
過了一會兒, 有幾位團友已經忍受不住熱氣, 嚷著要下機, 一陣再上機...當時被同事阻止了, 只好在機艙內較前的位置抖涼......
但其實在機艙內較少的位置工作的我, 覺得溫度根本與機尾一樣.......
期間其中一團的領隊將團友的疑問 (為何機艙會那麼熱?)提出來問我,  我也只好照直說出真相.....

然後加句:"引擎著左就會開始有冷氣...."
再加多句:"我都好熱, 我都想快d 有冷氣..."
再再再加多句:"唔好意思, 要麻煩你向團友解釋一下.."
之後, 我們分別做英文, 廣東話及日文廣播解釋沒有冷氣的原因........
機門終於關閉, 但引擎未著, safety demo 又要開始播, 坐機尾的某幾位香港團友不肯坐低...
當有同事叫一對夫婦坐低時, 他們發難.....
男的衝上door 2 話要見老總, 係door 2 鬧鬧鬧....而女的, 就在door 4 咆哮.........
我最記得就是這幾句:
"點解你地唔開冷氣?"
"你地惡哂唔係慳錢慳到連冷氣都慳呀?"
"原來惡哂係咁cheap!"
那刻, 雖然自己都嬲嬲地, 但我好想向這女士說:"講得好!!!!"
"咁鬼死熱, 搞到我好唔舒服呀!"
我心諗, 你不舒服還可以大聲咆哮, 即係沒有事吧....哼哼....
她不斷鬧鬧鬧, 鬧到我真的很想邀請她下機, 反正我們之後還有兩班機前往大阪.....
我一直聽著, 沒有出聲, 因為我怕我一開口就會鬧人.......
女士嘈了好一陣子, 忽然有位領隊走到door 4 , 對女士說:" 不如你坐返低先..."
領隊只是說了一句, 女士就乖乖回坐, 真的勝過我們千千萬萬句.....
事件算是平息了....
這班香港團在這班機真是失禮死人....
你們知不知道....除了你們這班香港團外, 其他鬼佬, 日本人, 香港自由行, 國內同胞都沒有投訴啊.....
我們其實都是與你們一樣大汗疊細汗呀....你們見不見到啊?????
下次鬧人之前, 麻煩你們想想我們空服的感受好嗎?
同埋, 我真係好憎晨咁早就俾人鬧......