飛行經典事件簿之二

2007.02.10

第 234 次飛行

第一程, 後面阿姐v 同我阿姐p 講要keep crew meal, 因為keep 左crew meal, 變左今程我地應該需要商務大量的 overthrow...我地跟番昨日的 service flow, 今次我就做tray, 我partner 就做drink...去到door3, 又係得番自己一個人做one man cart...點知我同後面的partner 同事 c 仲有7-8 行先meet 到, 但我個cart, tray 又冇, main course 又冇...阿姐p 問過我仲要幾多tray 同main course, 而我係同佢講過exact 數目, 但我等極都收唔到任何tray 同main course, 而同時, 同事c 個cart 開始乜都冇...最後我頂唔順, 麻煩同事c 將佢個cart推番入galley, 而我就泊好自己個cart, 搵tray 同 main course 俾同事c 繼續去 service 好過了, 因為我個cart 乜都冇, stuck 係cabin 都做唔到d乜....呢個時候, 又俾我目擊阿姐p 又失控...話說阿姐p 問另一邊有冇extra tray 同 main course, 同事們都數緊...點知阿姐p 仲繼續問相同的問題...最後另一邊的同事終於發火...好大聲講左一句: " i m counting!", 唉, 嚇鬼死我咩?!  後黎阿姐p 又未得商務的同事批准拎走哂商務其中一款 main course, 搞到後來商務有位同事又有點氣沖沖走番落黎拎番阿姐p 之前拎走左的main course...呢個時候我已經再冇時間驚, 因為仲有成5行客人都冇main course, 到我地有商務main course 的 overthrow 時, 另一邊的日本同事竟然問都問冇我與同事c, 就拎走我地d main course...我地都唔夠....仲要俾對面拎左... 事後同事c 說日本同事好自私, 其實我都有點認同, 我唔開心係佢問都冇問我地就拎左d main course...只是覺得這是禮貌的一種...

其實某程度上係因為我地keep 起左d crew meal, 先搞到咁多客人要等overthrow的 main course...但我估都估唔到阿姐p 會走去同老總報串話呢個係 阿姐v 的idea...唉..........

有時我都唔知係我阿姐p 真係懶, 定係俾老總嚇到懶呢? 唯一我肯定既係, 幾乎每一位同事, 都有complain 過阿姐p....

service 咁混亂可能我expect 過, 所以感覺又唔係特別氣...但反而我就俾兩位台灣女人鬧...話說我一向做service 時都會講英文...話哂我地公司英文係 first language...加上我又唔知對方係乜野國家的人, 咁我梗係會講英文先...點知我用英文問那兩位台灣女人食乜時...那兩個位女人第一句就鬧我地公司服務差勁, 就係因為我冇用國語同佢地講野... 我心諗, 我真係唔知佢地兩位係台灣人麻..駛唔駛一開口就鬧我先? 本來如果對方好聲好氣同我講佢聽唔明, 就算我唔係太識講國語, 我都會盡力去講囉...點知兩位女人一開口就鬧, 我決定繼續同佢講英文, 我說: " oh...i m sorry, i don't understand...i don't speak mandarin.."  之後兩位女人梗係繼續鬧我啦...我唔理, 繼續講英文...我最憎d 人對我冇禮貌...最後我要麻煩我partner 幫我用國語問下佢地食乜...而我繼續扮無知... 我心諗, 你係咁講我地公司咁差勁, 咁點解你又唔坐中華個d 公司機呢?

到第2 程, 本來light loading, 但因為另一班機有點問題, 所以有d 客人黎左我地航機上, 由light 變幾full...而我又係賣duty free 賣到降落...我真係多得那班台灣tour group..一位客人幫我買左, 就係咁show 俾佢d 團友睇, 最後個個都要買....實在太得人驚....又要好多得眾同事的幫手, 尤其是阿姐v, 搞到你唔記得左report check, 真係唔好意思...

終於番到香港....其實覺得自己算是幸運了, 起碼老總冇話過我....不過我就是唔鍾意老總成日企埋一二暗角位監視我地做service 的情況...

真係希望以後都唔駛再同呢位老總飛..而阿姐p, 免得過都免...因為真的有點怕怕了....sorry...