21

2007.02.12

第 235 次飛行

的士司機以120 的高速回到公司...

番到公司, 除左睇到看門口的阿姐同埋一齊去London 的機組人員外, 什麼職員都見不到...連係公司 check in baggage 都不可以了...

5 點鐘, 大家坐係briefing room 內, 都好眼訓, 我的朋友I 小姐, 連早餐都未食...因為大家都好眼訓的關係, briefing 好快就完結...hehe... 我做咁耐都未試過咁早飛一班long flight...連頭先的士司機聽到我飛long flight 都 O 哂咀...

briefing 完, 原來公司冇人幫我地check in baggages, 所以我地要好似平時乘客一樣, 到飛機公司的 counter check in baggage, 再過custom 到2 號閘口上機...而航機原來剛剛先到達...

一大清早, d cleaner 阿姐原來仲未開工, 所以今次成架機都係清一色男人來清潔...過了一會兒, caterer 就同阿姐報餐, 好消息就係全程經濟客艙只係得 21位乘客, 商務也只得5 位, 因為其他的乘客已經transfer 哂去早一班凌晨出發的 london 機了...大家聽到呢個消息後, 都開心到未起飛就已經計好一陣會有幾多小時crew rest...哈哈!

乘客一上機, 我們不用看他們的 boarding pass, 叫他們自己揀位坐就可以了, 呢 21 位人客已經在機場等了 6 小時, 公司又冇俾酒店佢地, 又冇俾食物同飲料俾佢地, 某程度上, 我地一班同事都覺得公司好衰, 乜都唔俾..不過所有客人都冇乜不滿, 可能一上到機就有得自己揀位, 紛紛入睡的關係吧!

做完第一餐, 老總俾左時間我地休息, 叫我自己分邊個去休息先, 邊個之後先休息, 最後我地後面成個galley 的同事都訓第一group...仲可以訓頭等呢! 不過我就冇去訓啦, 因為有位紫姐唔肯拉底窗簾...最後只好與I 小姐回到crew bunk 睡, 一睡就5 小時...

起身後, 我地galley 5 位同事...都拎哂d oven 出黎坐...一邊傾計, 一邊食野, 好多野食啊! 又有頭等的粥, 雞蛋, salad, 鵝肝, 小食, 仲有main course等等, 好似buffet 咁...食到我地好濟...傾傾下, 先知5 位同事中, 除了我的朋友I 小姐o岩o岩結左婚, 同埋我呢位同結婚扯不上任何關係外, 其餘3 位同事都分別係今年3,5,10 月結婚...於是剩下的5 小時, 佢地就係咁傾與結婚有關的事情...原來結婚真係幾煩啊! 又要諗去邊影相, 又要諗係邊擺酒, 又要諗俾乜野小禮物, 又要諗請乜野人, 仲要有埋婚前恐懼感....等等...真係煩死人啊! 一邊傾, 有些同事就分享婚紗相了...唔知點解, 次次睇人家的婚紗相都有一種好怪的感覺, 影個一刻係開心的, 但有時我會諗影黎又唔知為乜, 一影, 平平地都成一皮...不過話哂一生人一次咁靚, 駁哂命都要影一次呢! 後來仲傾下大家係乜野情況下識得未來老公....係呢5 小時內, 我大部分時間都只係聽, 點知佢地講哂佢地的情史後, 話我咁靜冇野講, 要我都講下喎....同我預料一樣, 我一講點識...大家一定又會問相同的問題: "真係咁都識到架?" well, 正如係地所講, 呢d 真係好睇緣份呢!

我地傾緊計的同時, 好多客人都開始起身, 於是如果有客人要食野, 我地先叮俾佢地食, 好似做緊頭等service 咁....哈哈!  最後2 nd group 同事都未rest 完番黎, 我地已經差唔多做哂第2 餐了....

另外有件插曲發生了, 商務的阿姐入黎我地的galley, 說商務有一對情侶忽然唔見人, 之後只係發現得一個洗手間occupy 咋! 大家立即係度諗衰野...呵呵!

第一次做long flight 前所未有的舒服啊! 10 幾小時的機程, 終於到左london 了...

訓了大慨 3小時, 貓生那班機也到了london, 本來大家都打算出去既, 但因為太夜了, 加上出面又落雨, 唯有留番明天先出吧!

係london最開心都係有無線睇........