Where is the bottle of Rum?

2007.02.01

第 231 次飛行

回程, 係一班full load機, 唯一我安慰既就係night flight...

因為去個程工作時的感覺不是太好, 加上已經知道partner 是怎麼樣...所以未上機前, 我就已經諗好哂上到機要做d 乜乜乜...忽然覺得有d 壓力, 可能full load 啦, 唔想做得唔好...今次為免又出錯, 我提議我派overnight kit, 佢派headset 就可以了...

但到左做service 時, 始終都係出左問題...其實所有客人都好好...(係得兩位客人唔想食三文魚呢樣 appetizer, 而想將 main course 之一的 soup 當做 appetizer, 之後 main course 再要多個main course 的其中一樣 e.g seafood rice. 意思即係佢地想要兩個main course 囉! 咁梗係唔得啦...我地只有 exact amount of main course 咋! 有位客人...乜都唔食, 淨係要soup, 阿姐唔想提前整俾佢架, 因為阿姐都好忙, 但冇辦法啊! 客人一定要立即食...) 咁話說我serve drink 的時候, 有位客人要 dark rum 喎! 我真係唔知乜野叫 dark rum...紫姐聽完都唔知係乜黎, 只係知我地有rum,  但冇"dark" rum 囉..haha! 傾左一陣, 都係冇結果, 於是我同客人講, 我地機上面係有rum 呢樣野, 不如我拎俾佢睇, 睇下係唔係佢想要的rum 啦! 於是我就叫同事y 拎支rum 俾我...點知佢隔左好耐都冇拎俾我, 咁佢再問我有乜野需要時, 我就問佢 "頭先我要個支rum 呢? " 同事y 呢個時候先同我講搵唔到...仲同我講應該係紫姐架trolley 上面, 我心諗, 如果真係係紫姐架trolley 上面, 咁紫姐頭先一早show 左俾客人睇啦...之後我一邊serve 其他客人, 一邊望下紫姐的trolley, 我兩隻眼都望唔到有支rum 係紫姐既 trolley 上喎! 點解同事y 4 隻眼 (因為佢有戴眼鏡) 竟然睇到有支rum 係上面呢? serve 哂所有客的drink, 我番到galley 問紫姐有冇俾個客睇支rum, 紫姐話"未呀! 同事y 話搵唔到麻!" 呢個時候紫姐忽然係個cart 搵到支rum 出黎, 成個galley 靜哂...之後我聽到紫姐向同事y 說: "呢支叫rum..." 我立即冇眼睇, 係紫姐手上拎走左支rum, 盡快離開galley, 俾客人睇...其實我覺得同事y 回程已經好了點, 不過依然得唔到兩位阿姐的歡心...紫姐又說了句..." 我地好似少左個人做野.."

雖然只有6 小時的機程, 但都有1 小時的crew rest, 不過我就訓唔著啦...

我早過同事y 起身, 入到galley, 紫姐立即同我講, 一陣我會與同事y 的工作調轉, 我stay 係 galley做assist 就可以了, 同事y 就出 trolley, 因為覺得放佢係galley 一d 作用都冇...我梗係開心啦...出車係好既, 但問題係成日彎腰..好辛苦...crew rest 完, 我其實感到自己條腰有點痛...所以最後一個service 唔駛出trolley, 好開心啊! 加上有成一半人都唔食野, 所以service 好快就完結了...

終於番到香港啦! 雖然杜拜係好玩...但真係做得好辛苦...同埋條腰越來越痛...痛到想喊...