少了一個人

2007.02.04

第232 次飛行

今日星期日, 應該好多同事請左假, 我sign in 的時候, 聽到有人同老總講今日唔夠man power, 所以你班機會少左一個crew (即係少左同我一級的同事), 亦說今日有好幾班機都係咁...

上到機, 由於經濟客艙少了一位同事, 所以有點吃力...galley 只係得同阿姐, boarding 的時候, 成半個經濟客艙都係我負責...真係未起飛已經累死...而阿姐好唔開心, 因為前面商務只係得1/3 loading, 前面有成6 位同事...都唔release 一兩位同事落黎幫手...終於做service 時, 紫姐先肯 release 一位同事黎幫手去cart..就係咁, 我地終於順利完成...

成日最開心都係 transit 那3 小時了, 可以係關西機場shopping, 買了一份禮物, 再幫媽媽妹妹買一點東西, 再食左個幾貴的lunch, 就番上機小睡半小時, 又起程番香港了...

回程, 阿姐仲更加唔開心, 因為老總係做service 時黎睇我地做成點, 點知發覺阿姐冇去english tea, 之後debrief 左阿姐一陣...話佢究竟有冇睇過service plan, service plan 話要去 english tea 喎! 但通常日本機, 我地都去japanese tea 同 coffee, 除非好多人問, 先會去english tea, 所以都幾optional 既, 但估唔到老總會拎住張 service plan 話阿姐囉! 話到阿姐眼濕濕, 其實我覺得佢已經好慘, 少了位同事做野, 而家仲要俾老總話...事後, 我睇番 service plan, 真係有寫要去 english tea 喎...但點都好啦, 我覺得唔需要因為少少野而話得一個人咁勁囉! service 完, 與兩位同級同事加一位係頭等客艙落黎幫手的紫姐傾計, 我先知呢度紫姐都俾老總話..老總話紫姐點解唔知冇去 english tea 喎! 紫姐一d 都唔驚老總, 話佢只係落黎幫手, 唔通幫手前都要睇一次service plan 嗎? 紫姐...你真係夠僵!  anyway, 我阿姐自呢件事後, 好多野都親力親為, 搞到我好鬼唔好意思..其實我覺得佢已經做得好好了...如果今個月有得俾分, 我會俾5 架!

另外仲有小插曲, 話說service 完後一小時, 有客人話肚痛, 仲痾, 話我地d 食物有問題, 搞到佢咁喎, 但我都好老實同佢講, service 完後, 只係得佢一個係咁...之後我就找其他同事幫手...大家都冇乜野藥俾佢食...而我唯一做到既就係俾暖水佢飲, 最後我地call 左 wheerchair, 又寫埋report, 因為女客人話如果check 到係我地公司的食物有問題, 一定會告喎! 不過老總話, service 完左一小時後先有事, 應該唔關飛機餐事, 因為通常至少要三小時或以上先會發作...但女客人堅稱一定唔關佢係日本食的食物唔乾淨...仲話佢去個間 restaurant 食幾次都冇事...點都好啦, 發生呢d 野的原因有好多, 有時幾樣野mix 埋一切, 身體受唔到就係受唔到...

晚上9 點幾, 終於番到香港啦! 對腳行得多, 好痛啊! 有時真係唔明白, 點解只係短短一日, 做班 即日來回, 仲要唔係full load, 都可以有咁多事發生既......