碌呀碌, 摸呀摸

2007.02.21

第 237 次飛行

4 月前最後一班機就係前往羅省, 呢班機真的令我回憶多多, 在同一個galley, serve 同一個zone...不過已經人面全非了, 今天那個座位上, 坐著的並不是你, 而是一位菲菲...

回到公司sign in 時, 竟然有人叫我的名字...一望, 我都認得那女同事, 但我已經不記得她叫什麼名字, 我只知道我應該有差不多兩年無與這同事e 飛...原來今日我與她又在同一班機上工作...後來我問她怎麼會記得我, 因為以我記得, 我們最多只係飛過一次, 放工後連電話都沒有交換, 加上都過了應該差唔多兩年, 還記得我, 更記得清楚我的名字, 真的令我有點驚...  她說認得我係因為我的髮型, 同埋記得我工作時紮起頭髮與去到outport披散曲髮, 是兩個樣子....她還向同事說我披散頭髮時美得多...謝謝了, 話時話, 我都不明白為何我紮起頭髮好像第2 個人, 更加不明白為何我紮起頭髮時, 是那麼"土"...

今程機並不是full load, 大約200人...加上又是夜機, 所以不太辛苦...最多也只是捱夜, 但這是我的強項, 哈哈!

做完 service, 就開始做sales, 同事e 係 upper deck, 幫我take 完 order 就落黎幫我手...仲主動說可以拎埋我部機上去upper deck 做那兩個order, 因為我還執緊其他貨, 所以我也沒所謂...後來執哂d 貨, 見佢未番黎, 就與其他同事執一執 galley 內的東西...執執下, 忽然見到幾位同事圍著一樣東西, 之後有同事叫我行埋去, 細看, 原來幾位同事圍著的, 是我要做sales 的machine...之後同事e 對我說, 部機碌不到卡...無論點碌, 都是沒有反應...我與幾位同事試了幾次, 都不果, 我真的好懷疑, 究竟部機內, 有沒有磁帶?  最後最壞的方法就係, 所有用卡俾的order, 我都要manually 做...即係用番那部老爺的人手碌卡機, 碌呀碌, 碌呀碌, 真的仲慘過上次只係show 到HK 同 U.S currency那班機..其實人手碌我唔係第一次做, 對上一次應該係年半前的rome flight,成部機down 哂...今次算好彩, 只係碌卡有問題, 如果俾cash 的話, 還可以用部機出單..但有時又好衰, 部機碌唔到卡, 偏偏就好多人要碌卡...結果我與幾位同事碌呀碌...碌了好幾張先見得清楚個信用卡號碼...又由於俾卡的order 要人手做, 所以入唔到機邊d items 已經賣左...加上去到美國前, 又要print 一張 closing stock 俾老總...所以用卡俾錢的order, 我要逐一mark 低佢地買左什麼items, 再 manual 做張 closing stock...搞完所有事情, 真係做到人都癲左, 到了早餐的時候, 我已經可以碌一次就清楚見到哂所有信用卡號碼, 真係多謝公司train到我咁囉...anyway, 好彩同事們都好好, 幫我手....謝謝你們..

11 小時的機程, 就到達羅省了, 乘客離開的時候, 我要帶一位婆婆落機, 因為她行動不方便, 所以她扶著我雙膊, 係我後面一步一步跟著我行....怎料, 我越行, 婆婆就越摸得低...到了機門, 更用雙手由頭摸到我patpat 一次...之後一句: "sexy....", 搞到全機人大笑....婆婆, 我知你好開心, 但唔好咁玩啦....你好似仲sexy 過我喎....

拎 baggages 的時候, 巧遇其中一位機師, 之前太忙, 連打招呼的時間也沒有, 我曾經因為某些事, 一度認為機師是花心的, 但有時也有例外的...在我面前的算是活生生的一個好例子, 知道你們還一起, 我也感到高興...