飛行經典事件簿之一

2007.02.09

第 234 次飛行

呢班機, 算係我做左咁耐以黎, 暫時最經典的一班機...

原因係來自老總是"十大" or "top 10"之一..."十大", "top 10" 係指最難哽的一群老總..當然我同好幾個飛過, 我可以接受, 但今次呢一個...我覺得係"top 1" 先o岩..."十大"中的經典... 一位來自日本, 又係負責係training school 教的老總...

briefng 的時候, 佢第一個問題就係"how would you like to feel when you come back to HK tomorrow?" 梗係我地做細既答啦...點知個個答案都係 happy, 搞到場面有點尷尬...之後又問: "how will you do to make this flight happy?", 之後我地又吹水...就係咁, 吹左廿分鐘...

第一程, 我地一人一個cart 去 service, 老總講過如果本身係一人一個cart, 就唔可以變左兩個人做一個cart...其實咁樣都唔緊要既, 我派哂自己cart 有的飽後, 仲有阿姐p repenlish d 飽俾我, 但唔知點解, 阿姐p 次次都只會叫我拎d 飽俾我前面partner 那個cart 上, 我當然唔介意, 但當我真係冇哂飽派的時候, 佢話我知佢個galley (即係中間的galley) 冇哂飽? 後來我只好派左tray 先, 再睇情況...呢個時候我後面又有另一個partner 同事c上緊黎meet 我, 佢經過中間的galley, 打算拎d tray repenlish, 點知阿姐p 又唔俾佢咁做喎, 後來同事c 都同我講阿姐p 唔知攬住d tray 做乜...之後同事c 拎tray 的時候, 又一個tray 疊一個tray, 點知又俾我阿姐p 話...我仲記得當時阿姐p 好惡, 話"don't stack the tray!", 見到阿姐p 咁惡, 我都嚇左一跳...我明白, 老總可能俾左壓力俾阿姐...但阿姐p 都唔洗好似失控咁架?!  而最後都要靠自己搵飽...而呢個先係開始...

話說阿姐p 點解會咁緊張係有原因既, boarding 的時候, 後面個zone 有位乘客complain 某同事令佢好nervous...但佢又唔肯講係邊個, 又唔講那位同事做過d乜令到佢咁..只係見呢位乘客係我地一開始做service 的時候氣沖沖係機尾走到去機頭搵老總complain...之後阿姐p 就同我地講因為boarding 的時候, 那位客人已經要complain, 所以叫我地一陣做野小心d...後來原來呢位人客係跟埋我地去日本, 仲衰到話要影低我地係cabin 的行動, 令我開始覺得有問題既其實係人客本身, 而唔係我地囉...

第一程, 就算老總一早release 左我做duty free, 但我可以做到landing 都未做完...太多order, 仲有埋 pre-flight order(即係係網上訂完, 係機上俾錢..)..因為我自己都有點緊張, 有d order我執少左一件, 有d 我又睇錯number搵錯左..而個pre-flight order 係就係搵到個客, 但個客唔認係自己既...最後我冇理佢, 只係顧住refund 完, 再執番d o岩既 items...一個字 "亂"...最後我只好要求好幾位乘客降落後等一等我, 另外多得眾同事的幫手, 一人幫我去一個order, 先可以係亂中順利完成所有order...賣野賣到landing 我都係第一次...

transit 的時候, 阿姐要我執哂 seat pocket 內的 headset...我估應該係老總叫佢咁做啦...算啦, 一次半次, 係彎到條腰好累...同埋因為有客人留係機上, 所以老總又唔俾我地坐係cabin 的客位食野, 要企係 galley 食喎....我都算, 反正我都冇時間食野...
到第二程去日本...只得1/2 loading, 我地成機人就開始行老總個套 sevrice flow...(以下大家睇唔明唔緊要), 我地做既係773 機, 老總要我地2 man cart 由第一行去到door 3, 之後做drink 既要去2 nd helping, 而做tray 既就繼續1 man cart meet 由後面做service 上到黎的同事...由於前面商務唔full, 佢地release 左4 位同事落黎幫手, 佢地成日幫我地repenlish...點知, 老總忽然唔俾佢地咁做, 話會影響我地喎, 而我做完 2 nd helping, 我就永遠唔可以再同我partner 做2 man cart了, 因為我一開始都講過老總話 1 man cart 唔可以變做2 man cart...搞到我想幫又幫唔到...就好似望住我partner 去受死咁...最後我又被 release 去做duty free, 去到descent 的時候, 我仲見到佢地未做完 collection...仲要有d 日本人未食完...真係睇到我眼都凸...好彩第2 程order 唔多, 仲可以幫手收下野...
我心諗, 今日第2 程唔full 都做到 descent, 明天full load 唔知會點算啊? 冇眼睇囉...

終於到左大阪...想不到除了我地經濟客艙有很多不滿外, 前面都有, 同事k對我說captain 做 descent announcement 時, 佢先o岩o岩去完main course, 就係因為一位同事, 但呢位同事上次LA 同佢飛過, 我覺得都ok, 可能佢仲新, 對商務的運作未熟掛, 所以我都冇評論什麼....

我同自己講, 到左大阪, 明天inflight 的事都係唔好諗住, 好好享受在大阪的一晚吧!