愉快越戰

2007.07.07

第 278 次飛行

今日, 孤菇大戰越機...

去個程, economy class overbook 左成 50 幾個...幸運地, 今次我係business class 工作, 避免左我最怕既大大大 baggages....

同估計一樣, 依然係好多人port sick, 我上到機, 我partner 都仲未到...自己一腳踢幾乎做哂所有 基本既ground preparation, set newspaper trolley, chill bar,同埋準備埋 pre take off drink...可能好眼訓既關係, 只係抱著快d 做完, 快d 落機, 快d 返屋企的心態...

雖然economy class overbook 左, 但business class 最後只係得34 位客人...而我個zone 只係得 27 個, 實在太好了!  但飛行時間, 竟然兩個鐘都冇! 所有同事聽完 captain 的 announcement, 都嘩然!

boarding 時, 見到第一group 上機的一家3 口...3 個人, 但行李佔左3 個overhead locker, 睇到我眼都凸, 真係好唔明, 拎上機都咁多行李, 相信check in 時都至少有一人一件, 真係好懷疑佢地點拎d 行李返老家...之後上機的越南人..佢地拎住既行李, 根本就應該check in 左去...咁鬼重,  咁o岩今日條腰又好鬼痛...所以我一見到, 立即彈到幾尺遠, 咋睇唔到... 等佢地自己搞掂...

眨眼間, 就回程香港...這次俾紫姐派到economy class 幫手...發覺今程機的越南人好左好多, 冇乜點雞同鴨講的情況發生...只係有個越南婆婆成日係個cabin 行黎行去, 佢講既野我唔明, 我講既野, 佢更加唔明...有位香港人睇住我地兩個, 都忍唔住笑....孤菇只係想知婆婆想去洗手間, 定係想返埋位咋! 攪左一大輪, 婆婆應該係想返去自己的座位...結果有另一位同事負責...拉佢返埋位...

不過我諗最好笑都係落機的時候, 有位越南人留低左個袋...有同事追出去, 問係唔係佢既, 但對方嚇到急急腳走左...後來我地打開個袋一睇....裡面竟然有我地機上專黎掃垃圾的小掃把, 同埋個剷!  d 越南人真係犀利, 呢兩樣野, 我地通常都係收係暗處, 佢咁都搵到, 真係俾十個勁佢!連呢d 野都可以當係紀念品..笑到我地成set crew 死...

係愉快的氣氛下完成左呢班機...同事問我今次冇得賣bar 係唔係好掛住, 都唔係既, 連飛4 日, 真係好累, 是時候抖一抖...明天再黎過!