冷面

2007.07.13 to 14

第 281 次飛行

這次同家兒去左大阪...

家兒比較幸運, 去了一個快樂的 galley 工作, 至於我, 隨著黑色星期五的效應 (我都唔想去信, 但...) 我真係由頭黑到尾....

首先今次跟左個就快升既阿姐, 佢好少笑....加上佢個樣唔笑真係幾惡, 搞到我都有d怕佢..人就好衰, 一怕一個人, 做野既時候一定會神不守舍...我同自己講:"相信佢平時都係咁既樣..." 咁我個心好過少少...但當我做duty free 時, 我感到好大壓力, 好似第一程, 都未起飛, 佢就同我講: "一陣唔好接economy class 的 duty free order...去左做business class 的order 先...唔係一陣做唔切..." 這個, 唔駛佢講, 我都知道要做business class 的order 先, 但都唔洗咁絕唔俾我接 economy class order 掛....

到做完 service, 我先做duty free, 同事們都話幫我手...點知阿姐係猛叫d 同事食野, 搞到我真係好想有人幫我, 都唔敢出聲...最搞笑係同事們唔多理佢, 堅持幫我...但阿姐一邊叫佢地食野食野...我聽係耳內覺得有d 難受...仲搞到我好難為情...而佢呢句說話, 4 程機都有講過...其實我諗阿姐冇心既...但佢咁講, 會俾我覺得佢好唔鍾意我賣 duty free...所以有時...同事們話幫我, 我見order 真係咁多, 其實自己一個都搞得掂, 我都堅持自己搞掂去....

點解我成日話阿姐冇心既...係因為佢程程都有幫我留main course...不過我真係希望佢笑多d, 唔好成日俾個冷面我歎....

講開duty free, 連order duty free 的客都麻煩d, 首先有個客一早碌卡買左野, 點知隔左一陣, 佢話要計下用美金要俾幾多錢...要我refund, 用美金入數喎...點知計完美金幾多錢後, 佢話太貴, 唔買! 淨係搞佢一個, 我火都黎... 另一個客...買左支好貴既筆, 買個時又唔出聲話唔鍾意, 到降落左係台北又話要refund 買左那支筆, 再買過另一支...唉... 今日係台北回程香港, 我一早已經行左轉duty free, 但d 人梗係去到descent 時先買...雖然我知阿姐唔多鍾意我賣, 老總又同我講, 唔好阻住佢放工, 但d 客係扯住我唔放...佢地又唔係立即買, 係要睇下先...最後我衰d 都要講句: " 要決定架啦, 因為就快降落.." 個女人就好d, 買左, 個男人仲要睇呢樣個樣, 我同佢講:" 你可以回程再買.."

黑開有條路...今日兩程機的 landing 都好差...左搖右擺,個 f/a kit 同埋其中一個duty free compartment 冇latch到, 那個duty free compartment 成個飛左出黎, 之後我放 suitcase 的 overhead locker 又開鬼左...仲要我個suitcase 係俾阿哥移去那個overhead locker 的...阿哥仲問我係唔係開過那個overhead locker, 我說沒有, 因為開左個時, 我先知我的 suitcase 俾人移動過....

成班機, 我都好唔開心...亦未試過賣 duty free 賣到咁辛苦...今日仲要塞左成個半鐘先返到屋企...

返到屋企, 上左網, 見到d 野, 更加覺得唔開心...

唔想再打落去啦...今日就係度完結...