跛腳位

2007.07.15

第 282 次飛行

今日我被派往business class 工作...而我做既位係一個跛腳位....即係同紫姐一樣要出車的那個位..點解我話係跛腳位, 係因為成個galley 得4 個人, 紫姐, 紅姐, 及J1, J2, J1 係孤菇做既跛腳位, J2 的責任就係 assist 紫姐, 而紅姐主要負責galley 既工作...很少出cabin...所以如果班機係 full load, J2 只係assist 紫姐, 幫都唔幫下我, 而紅姐又永遠唔出cabin 既話, 我就會呼天不應, 叫地不聞啦...不過我今日就好好彩, galley 多左位同事幫手, 係一位o岩o岩升左, 今日係機上實習的阿哥...

去個程...我已經發覺有問題...我自己一個人出車...有野要時, 我press call light, 永遠只係得阿哥同埋J2 理下我, 阿姐永遠都唔會出黎...仲要連bread 有時都要我一邊出trolley, 一邊幫佢做埋...阿姐又唔係唔做野, 只係成日唔知佢係galley 忙乜野...幸好第一程d 客冇乜要求...好多都只係飲一次野就唔洗我再添飲...我先冇咁辛苦....  每完左一個service, 我都快快脆脆收野, 阿哥同J2都有幫手..阿姐依舊又係冇出cabin....不過我當然冇出聲啦...因為起初我係度諗, 可能唔係阿姐做得唔好, 係自己做得唔好先真...話哂我真係好少係 business class 工作麻....

另外去個程, business class 的tv 好多都唔work...不過多得老總係咁reset, 同埋係咁同d 客解釋, d 客先冇complain....真係好多謝老總...

回程, 起初仲好開心business class 有兩個位剩...點知老總說最後個兩個位, reserve 左俾兩位係新加坡做training 的機師坐喎...

本來實習的阿哥話回程去經濟客艙幫手既, 但冇啦啦見到佢返黎business class 喎! 真係開心死我! 今次佢仲同我出2 man trolley...多對手真係唔同d... 但有時阿哥都會因為有d 事要做, 要行開一陣...到做cheese and fruit service 時, 我開始有少少火, 因為變番我自己一個出車, 我有野要, press call light, 但紅姐永遠聽到 call light 都唔出黎...幸好J2見到我個慘況..... 有幾次我等左好耐, 頂唔順, 返去galley 自己拎, 再返出去, 仲快過等佢拎俾我...到做哂成個service, 我, J2 同埋阿哥勁快咁去收野...點知收哂野...發覺成個galley 冇人執過!  呢個時候, J2 細細聲係我身邊說: " 你發唔發覺紅姐永遠唔執野? " 我回答說: "上程機我已經發覺到啦...我個邊好似跛左咁...."  後來, 我地兩個係galley 內, 都發覺紅姐成日係咁同老總傾計...真係有call light 唔應...野都唔執, 仲要佢自己倒瀉野, 自己唔去處理, 我等左5 分鐘, 見佢都冇去搞, 最後我去左清潔...J2 見到我咁做...話我咁好做乜鬼...之後我每做一樣野, 每執一樣野, J2 都叫我唔好做, 等紅姐自己去做番.....不過我慣左手勢, 見到有野未做好, 總係走去做...我甚至想清埋 galley 內的東西...但又俾J2 阻止了...總之個情況好搞笑...哈哈!

係我最忙做service 的時候, 其中一位去新加坡training 的機師猛咁同我講野...起初話我個名好特別...之後又問我個名係邊度黎...那時, 我先serve 緊第2 行, 真係冇咁多時間同佢social 囉... 仲要我每做一個service, 總係要同我傾一陣計..我只好 "hehehe hahaha" 先甩到身....唉...  另外, 今日有好多客都問我係乜野人...我米就係香港人囉.... 之後又係 "hehehe, hahaha" 完左個對話...

點都好...這總算一班順利的flight, 亦很多謝J2, 阿哥的幫手, 當然仲有老總的 support 啦!

過左今日, 孤菇又向放大假邁進一大步....