我的日籍同事

2007.07.16 to 17

第 283 次飛行

這次孤菇又重覆做多次大阪機...

這次同前幾日的大阪機一樣, 我前後兩個partner 都係日籍同事, 後面是一位senior 的同事s , 前面就係一位junior 的同事r, 不同的是, 同galley 還有一位日藉同事c及 香港同事j, 而我地既阿姐都係日籍, 老總又係日籍...其實我都很久冇試過與咁多日籍同事一起工作...以前我成日覺得, 如果大家都係同一國籍, 應該份外friend d既, 但原來日籍同事的階段觀念都幾重下.... 

首先, 我對呢位老總好有印象, 事源上次同佢飛個日本turnaround, 因為日籍阿姐冇跟足 service plan 去 english tea, 結果俾呢位日籍老總b 到喊....所以我一見到佢個名, 我就係咁提自己一定要去 english tea....好似上左腦咁...hahaha!

on ground 的時候, 係 business class 的同事已經對老總有不少怨言...當然是老總對service 要求高既原故...到做service, 老總差唔多全程係 economy class... observe 我地做service 的情況, 然後走去同日籍阿姐講我地要改善的地方, 佢話如果個客唔食野, 只係飲野, 要俾埋張 napkin 佢...同埋派 tray 時, 飽要正面咁放, butter 同埋朱古力的字, 都要向住個客...雖然第一個service 我做drink, 我partner 日籍同事r 係做tray, 但我都感到佢好d 慘...諗起連 butter 同埋朱古力都要對正放, 即係我地每派一個tray 都要執過哂tray 上的東西先派得俾客... 次次回到galley, 日籍阿姐都話老總有d feedback, 要同我地講...阿姐一邊講, 一邊苦笑, 其實日籍阿姐仲慘過我地...另外, 我總發覺日本人同日本人之間的要求比較高...因為阿姐成日俾老總捉住講話, 而每一次老總經過我同partner 同事r 身邊, 總是比較針對同事r...最搞笑係第2 日, 發覺同事r 的髮型轉左少少, "立" 起哂d 頭髮, 係度諗緊係唔係老總叫佢咁做...果然係...幸好, 老總對我又冇乜野...反而仲成日幫我做duty free order....

另外, 有件事我深感抱歉, 就係我間接累左同galley 工作的日籍同事c...其實佢做的 position black and white 要幫我手做duty free order 既...但因為commission 只係我自己一個人袋, 除非忽然一大堆order 飛埋黎(即係好似前幾日咁..), 否則我都好少要同事幫我手...其實同事c 有問過我駛唔駛幫手, 我話唔駛既, 所以同事c 先同其他同事係 galley 一齊食野, 而我又真係唔忙, 只係次次做完一個order, 就有另一個order者...所以我都冇叫同事c 幫我手...怎料阿姐忽然話同事c 個position 應該要幫我做duty free, 點知佢唔幫我手? 搞到同事c 立即走黎幫我...亦搞到我好無奈.... 後來得番我同阿姐係 galley, 阿姐同我講同事c 做左成年都唔知呢個duty, 有冇搞錯....我立即同阿姐解釋同事c 其實有問我駛唔駛幫手, 係我自己話唔駛佢幫...真係唔關同事c 事...但我發覺我講幾多都冇乜用, 因為我見到阿姐個樣好蚊憎...係咁講: " she should know her duty well...." 唉, 累左同事c, 我勁唔好意思...

到左係 台北transit 時, 同事c 走黎同我講sorry...我對同事c 說, 我已經同阿姐解釋左係我唔駛你幫...而唔係你唔幫我...亦與同事c say sorry...因為係我累左佢...我仲笑說, 一陣最後一程,我一定會搵你幫手...做d 野俾阿姐睇...哈哈!  之後同galley 的港籍同事j 都同我講阿姐話完同事c 後, 同事c 係咁問同事j 係唔係真係要幫...同事j 很好人, 說其實個個都應該幫手既...不一定指定佢一個人幫手...

好不容易, 捱到最後一程, 老總再冇feedback 俾我地...不過日籍阿姐忽然走埋黎問我覺得我partner 日籍同事r ok 唔ok...我笑說: " ok...no problem at all.." 孤菇永遠有個句講個句, 我確實覺得同事r 很好啊! 不過我唔係好明點解阿姐忽然間咁問我....

落左地....同事c 竟然追住我, 又同我講多次sorry...救命!  講sorry 應該係我麻....我冇氣咁同佢講: "please please forget what she (阿姐) says.....please please..."

事後我係度諗, 好彩當年我冇去 JAL 做, 不然呢d seniority 我真係受唔住...

另外, 我發覺就算佢地係同級同事, 但join 的年份一唔同, 一定唔會一齊出去食野..試過有次同兩個2000 年join 及一位2006 年join 的日籍同事飛, 那兩位2000年join 的日籍同事成程機都冇同2006年join 的日籍同事傾過一句話...又有一次同某日籍同事飛, 去到酒店後, 我竟然見到佢拎左本logbook, 睇下自己seniority 係邊, 睇下排第幾去拎 allowance...

雖則工作上應該有seniority 之分...但也不需要真係看得那麼重掛....畢竟你地都係日籍麻...

做完呢班機, 我正式放兩星期的悠長大假了...