寄情工作

2007.07.12

第 280 次飛行

今日做左班好簡單的 新加坡即日來回...

點解話簡單? 因為今日用左個新的 service, cocktail service 變左一tray tray 咁出, 唔洗再出cart 啦...起初我與同事都擔心會有好多客問拎 special drink, 但後來我地發覺擔心是多餘的...一切都好順利...乘客都幾滿意....

做 meal service 時, 都算幾順利...做到最後個行, 都仲有客人想要的 choice...兩位台灣阿姐都好掂, 好快手...孤菇個cart 差唔多冇乜野, 佢地就會出黎repenlish 我, 第2 個service 最搞笑, 阿姐f repenlish 快得濟, 搞到我個cart 內都冇位放 main course 同埋extra drinks...haha!

另外另外, 仲有兩位FD 妹妹幫手....同埋客人大部分都好好, 只係有一位小姐, 起飛時, 叫極佢熄電話都唔肯熄...仲要大大聲係電話度播"愛得太遲" 呢首歌, 搞到好多乘客都側目...最後阿姐f 幫我擺平佢!  (真係多謝阿姐f 呀...因為對方係講國語, 所以要我用國語解釋點解要熄電話...對我黎講, 真係有d 困難....)

順順利利, 又返到黎香港, 不過回家中, 我又開始down down 地...上個月尾, 日日都幾乎見到仔仔, 而家佢走左個幾兩個星期, 講真, 到而家都唔係好習慣, 無論係飛機上, 係公司, 係機場, 係巴士上, 係屋企附近, 一景一物都令我不其然想起佢...事實上, 我真係有點兒難過....昨晚也掛到哭著睡...真係有d恨自己上個月尾不應答應帶他去杜拜, 又不應日日都去見佢...搞到而家好難適應...返工還好, 起碼我會著左個turbo, 寄情工作, 但一返工....就好辛苦...成個人散到唔識重組自己....

....