上年今日

2007.07.05

其實今次呢班曼谷機係自己swap 返機, 而swap 的時候, 純粹只係想見下仔仔, 並冇諗過會有其他意思...但有時d 野, 真係撞日子都冇咁o岩....(大家睇埋下面就知我講乜...)

仔仔如常 8 點先到...佢話今晚既 dinner 俾左4個choice 我揀...

1. 睇曼谷夜景的旋轉餐廳buffet.

2. 係 siam 附近一間 buffet, 係即叫即正整... 

3. 就係我地開始個日那間河邊餐廳 in love...

4. central plaza 的 金魚缸

其實聽到呢4個choice, 孤菇已經覺得奇怪...因為 3間都係貴野黎...冇啦啦做乜去食貴野呢? anyway, 本來想揀1 既, 但今日孤菇著左涼鞋, 短褲, 個dressing code 好似唔係太好, 想揀3, 但怕又落雨, 4, 今次唔係太想...所以最後揀2..

點知去 siam 途中塞車塞左好耐, 去到siam 都成 9 點幾...人地 10 點就收工, 俾咁貴, 但只係食得一個鐘, 好唔抵喎! 所以最後我地決定轉地方....我地決定揀1...但首先我地要解決塞車的問題...那時我地兩個已經餓到死...只好係街邊買d melon 黎頂住先...最後我地決定坐 skytrain, 離開左最塞車的範圍先, 再坐的士去目的地...

15 分鐘就到了Baiyoke Sky Hotel...由於旋轉餐廳要 reserve, 冇book 位既我地只好買左以下的 boarding pass, 揀左旋轉餐廳下一層既 crystal grill食 buffet, 就直上 82 樓...

 

那裡有泰式, 日式,西式, 中式的食物...當中我最鍾意食既就係冬蔭功...一口氣飲左3 碗...

 

一邊食, 不忘欣賞夜景....

 

不過講到尾, 都係香港的夜景最靚!

就係咁, 我地食到人地收工...嘩哈哈!

食完, 我地上左旋轉餐廳那層行左一陣...一路上, 仔仔成日都好似有d 野想講, 但又唔講喎, 話要過左 12 點先講, 仲問我記唔記今日係乜野日子...我諗諗諗...7 月5 日, 乜野日子呢? 我答: " 我淨係知道 7 月4 號係美國國慶..."  仔仔當然俾我激死左...最後係我威迫佢之下, 佢終於講左今日係乜野日子...孤菇聽完, 當然記得上年既今日啦...只係冇諗過仔仔原來有 mark 低左呢個日子, 更加估唔到呢個日子原來對佢黎講係咁重要....事後梗係又俾孤菇笑呢個傻佬啦...連我上年病到死死下, 都要紀念一下... 不過全靠呢個病, 令我開始留意到仔仔這個人, 如果唔係, 可能我地而家都仲只係普通朋友...諗深一層, 是應該慶祝一下既...

所以我說: 有時d 野, 真係撞日子都冇咁o岩...我又會咁o岩今日係 曼谷.... 真係要再一次感謝主!