一種諷刺

2007.07.08 to 09

第 279 次飛行

這班日本機, 老總係我FD (實習) 那班機的老總, 可能係第一次飛就同佢飛, 所以到呢一刻我仲記得佢...個時自己入世未深, 睇野睇得未夠真...但這次...總算睇真了...

來回兩程都full load, 本來一切都風平浪靜....但卻發生一件不幸既事.....(以下係老總同阿姐s 分別單獨跟我講既經過.....)

話說去個程, 同事x 唔小心彈左d 水點去呢位日籍女乘客c 身上...之後再倒瀉左飲料係乘客c 身上..其實咁都冇事...點知日本阿姐collection 時, food cart 唔小心撞到個乘客c 的手睁...之後乘客c 就complain, 仲要喊哂咁添! 乘客c complain 時, 我在場, 但我又唔覺佢隻手好瘀...我見阿姐係咁say sorry, 而我絕對相信日本阿姐唔係猛力撞到乘客c 的...後來老總知道了, 那位乘客不但要 complain, 仲要claim medical 添! 嘩! 駛唔駛咁嚴重???!!!  其實一般的情況下, 老總通常都會俾service voucher, 同埋寫番個report 就算了, 但聽說乘客c 唔肯要 voucher, 老總之後又 complimentary 送左條mild seven 俾佢, 仲upgrade 佢去 business class...我聽完...心諗: " 撞瘀左隻手, 喊兩喊, 就可以被 upgrade 去 business class, 有冇攪錯? 咁我下次俾個cart 撞瘀左, 我係唔係可以喊兩喊就唔洗再做其餘既service 呢?"  

落左機, 咁o岩我同老總一齊行...老總猛咁同我講呢單野...其實我唔係太想聽..只係"唔唔唔"應左佢就算...反正件事都過左去...再講都冇用...同行一位係business class 工作既同事聽到老總係咁同我講野, 事後問我economy class 發生乜野事...唔講都唔知點咁...真係攞命...所以到過custom check 時, 我雞咁腳走去上crew bus...離開老總老遠去....

到左第2 日...我既阿姐s 竟然同我講那乘客c 落左機之後, 竟然仲同ground staff complain! 之後 ground staff 打電話去酒店搵老總, 問發生乜野事, 仲話點解老總唔report 俾佢知...因為那乘客c 同 ground staff complain, 件事好明顯又攪番大左...老總又要寫report, 我仲見到日本阿姐都寫埋添! 阿姐s 說, 其實老總唔應該offer 太多野俾個客, 攪到個客食住上, 而家好大可能要公司賠medical 俾乘客c, 日本阿姐真係硬食...我同阿姐s 一致認同因為阿姐係日本人...所以乘客c 更加針對佢...而家咁攪法...萬一個complain 上左去..好大機會要見公司人呢! 真係估唔到...只係一件咁小既事...會攪成咁囉...雖然我地係有錯在先...但同事們都已經有 say sorry, 乜野offer 都俾左乘客c, 點解d 日本人仲要咁陰濕, 黎個 "秋後算帳" 呢?   今次都唔係第一次, 上次 "seat back upright" 事件又係咁...又係黎個 "秋後算帳", 最後又係日本阿姐食哂...好鍾意阿姐s 個一句: " 係唔係要日本阿姐俾乘客c 撞返一下, 乘客c 先開心? "  加上阿姐s 係briefing 時都同我地講過, 叫我地小心老總, 千萬唔好有 complain, 唔係老總會好 stressed...表面上老總係 inflight 時仲笑笑口咁...但佢同我講單野時, 我feel 到佢好激氣...有時真係唔知佢邊個樣係真, 邊個樣係假...好恐怖....

不過我最佩服既係日本阿姐係一個咁惡劣的情況下, 個樣仲好似乜野事都冇發生過...勁!
有時真係好唔明, 點解日本人咁鍾意事後先攪大件事, 同埋更加唔明, 佢地 complain 時, 餐餐都係喊...可能我份人心腸比較硬, 我見到人complain 時喊, 我唔會可憐...因為我覺得眼淚係日本人的一種武器...

雖則我鍾意做日本機, 但我真係唔鍾意日本人呢種character...更諷刺既係, 我一邊唔鍾意日本人, 但一邊洗哂自己成份allowance, 去買日本野...唉!

不過都係個句啦, afterall, it's just a flight! 希望同事們冇事啦...