第 304 次飛行
一日3 班羅省機, 本來我係做一班來回都好辛苦個班, 但公司前幾日, 將我成個人丟左落另一班晏少少出發的羅省機, 雖然係少左一日假, 但allowance 多dd, 同埋相信應該會比原本個班好一點...都算唔錯...
去個程, 比我地想像中好, 1. 可能班機唔full...2. 大家似乎都幾滿意新機內的AVOD system, 即係 audio-video on demand.. 係economy class 的客人都可以自己揀自己喜歡的電視睇, 幾時睇, 幾時停都得, 可能呢有幾樣野, 加上而家個call light 再唔係armrest 度, 而係電視的下面...所以call light 都少左好多, 但一有call light, 千祈唔好當個客唔覺意press 到, 因為而家個call light 一著得, 有 99 %都係乘客有需要啊!
3. 因為大部分都係美國人, 冇乜杯麵黨, 所以好多我地預備好的杯麵都浪費了....
不過, 成12 個幾鐘頭機, 氣流好勁...一浪接一浪, 同埋一次比一次勁...好似seat belt sign on 的時間仲多過off 的時間...
有位坐係32 G 的婆婆成日都黎我地後面個galley 拎水飲...連去洗手間, 佢都要去機尾個d, 由於佢行動又唔係太方便, 加上又成日有氣流....叫佢坐又唔聽我地講, 係咁同我地講佢要行...所以我都只好由得佢...到 breakfast 時...氣流真係好勁...當時我地preset 緊d main course, 佢黎拎水同果汁, 終於我問佢, 其實佢知唔知前面有個galley...(因為佢坐32 行, 前面galley其實行兩行已經到, 唔需要次次都行成10 幾行黎拎杯水...洗手間都係...) 婆婆笑笑口話:" 我想行多d 路呀...", 對於佢呢份堅持, 我覺得好開心...但講真, 對佢黎講真係好危險, 那時其實我地所有人都係galley 打緊杖, 忙到死...但見佢要拎住兩杯野咁行法, 真係驚佢有事, 我都堅持要佢番去自己的座位, 佢要乜, 我拎俾佢好了...
安安靜靜, 平平安安..就去到羅省.....
回程full load, 第一個問題就係d 客行李太多, 尤其是要坐wheerchair 個d..., 真係一山還有一山重同大...
差唔多成個economy class 都係賓賓...平時做manila flight 都只係對住佢地兩個鐘...今次對成13 個幾鐘....可想而知....一上機, 到做service, 到做完service, 到collection, 都係咁飲飲飲...一人兩杯drink, 做左都冇5 行, 我就開始見到有人同我揮手, 要 3 rd drink...真係想扮睇唔到, 但又對唔住自己良心...死死氣氣去應call light, 而我partner 睇黎都唔好得去邊, 因為遲遲都未見到佢個cart 的蹤影....
加上又唔夠訓的關係, 做完第一餐, 真係有點黑面...那一刻真係想永遠躲係個galley 內...因為一出galley, 就有成千上萬的 drink order 要記住...最後我tea/coffee 都冇去, 係咁去水..水..水...連duty free 都也不敢去...
幾經辛苦, 終於完成左第一個service...
其實賓賓要求好簡單, 對佢地笑笑, 佢地要乜就俾乜野佢地, 佢地已經好滿足..點知...孤菇差d"啦" 野...話說係第一group rest 的時候, 63G的賓賓入黎問同事a 要 whisky, 當時我見到的情況係, 同事a 唔俾佢, 咁我問點解, 其實那時的情況我都唔係太清楚,只係係咁聽到同事a 話佢已經叫左好多杯 whisky 同埋覺得佢加上佢又成日入galley係咁問同事a 拎 whisky, 同事a 只好拖住佢先...咁既然同事a 有這樣的判斷, 我只好mark 低去...亦因為佢成日入黎galley 煩住同事a, 所以我打算同老總講, 但講之前...我要了解究竟大家service左幾多次 whisky 俾63 G, 我望望個客, 我記得service 時serve 左佢兩次whisky..., 同事A 同我講阿姐俾左兩杯好滿的 whisky 俾佢, 同事a 自己就俾左一杯, 即係夾埋5 杯, 就係呢個時候, 63 G 係咁press 個call light, 這次我說, 一係等我去應吧...個賓賓好唔友善, 一開口就話我: "how many times did i ask for a drink? do i need to write it down?" 賓賓男人咁樣我都係第一次見, 加上老總同阿姐都係賓賓, 我真係要好小心處理...經我同個客傾左一陣, 了解過後, 原來佢之前只係飲左一杯 whisky, 而其他既, 佢其實係幫佢隔離個friend order, 而當時, 佢朋友已經醉左訓左...
同我同 63 G 傾計的時候, 又唔覺得佢有醉, 於是我答應俾杯beer 佢飲, 而我都將件事向同事a 講左, 後來同事a 都主動話罐beer 等佢serve...事件似乎過一段落, 而我都冇同老總講...隔左一陣, 63 G 的客人入黎galley 同我講sorry, 這樣的客人我倒第一次見...我都建議個客, 如果下次佢朋友想飲酒, 直接問我地會比較好, 亦唔會造成誤會...不過自這事後, 我學左一樣野, 就係凡事都要兩面睇...避免不必要的誤會...
不過最頂唔順既, 就係我既賓姐, 佢有一個私人電筒, 照住佢塊私人鏡, 再照落佢對腳度...我地都好奇問, 阿姐話鏡兩塊要成630 美金!
個電筒照經塊照, 再照落隻腳度, 會有 energy 喎, 佢未做service 又照, 做完又照, 後來仲去到前面同老總照...個個都唔信, 但老總竟然想買???!! 忽然搞到我諗起國王的新衣呢個故事...佢騎呢之餘, 仲好冇手尾, 個muffin 食完一啖, 就咁放係galley 上, take off, landing 前, 成galley 都係佢既野...最奇怪既係, 明明land 左要off chiller, 佢話要on 左個chiller, 因為冇空氣, 但inflight 要做2 nd service , 佢話要 off chiller???!!! 其實仲有好多好多奇怪野, 不能盡錄.... 後來同事a 說, 叫佢試下照下要坐 wheerchair 個d 腳, 睇下係唔係立即行得番...呵呵! 
係一切歡樂之中, 又完成了一班機....下班機將會同top 10 飛....no eye see!
No comments:
Post a Comment