小孤菇長空中往返: 貓姐你想點?

2008.03.31 to 04.03

第 332 次飛行

這次一心係打算換班long stay去見仔仔, 點知人又見唔到, 仲要遇到個麻煩貓姐...

首先她來了一個長長的section leader briefing...再橫掃我地每一個人的臉, 之後望住我說: "would u pls put on more blush?", 上到車, 趕快加blush, 周圍既同事都問我: "佢話你唔得呀?", 我話: " 係呀", 同事們說: "o下? 你咁樣都叫唔得?", 我又說: " 係囉.....想我化到馬騮屎忽咩?"

' 上到機, 我特登行到佢面前, 指住自己塊面問佢: " is this ok now?" (俾著以前, 我一定唔敢行係佢面前問佢ok 唔ok....

第一程去曼谷, 我地個zone 只係得29 個客, 屬half loading, 所以都唔係太難做....貓姐話佢係一個勤力的人, 但我眼望見既係, 佢不斷同佢d "ID" 傾計, id 即係我地的職員, 但係機上的乘客....結果我架trolley, 由 cocktail service 去到main course service, 都要horse shoe 咁去埋佢個邊....最後我tea/coffee service, 我放棄了, 做完自己個zone 就算....唔知係唔係因為咁, 定係因為佢真係覺得我個樣唔見得人, 佢同我講: "孤菇, u clear up the galley, i go out and do collection...", 我立即說我都可以出去 collection....但佢係咁說"no....", anyway, 我還是兩樣都有做....

第二日做shuttle, 曼谷去斯里蘭卡, 再返曼谷....個zone 去得6 個客, 返黎得10 個左右...以為好正, 但好似仲更加難適應...首先佢叫我地將d 酒放係架 trolley 時, 要開哂d 蓋...點知貓姐出出下車, 走回來話支 champagne flat 左...話我地下次支 champagne 要蓋番好...唔好開蓋....但其實我地都係臨佢出車前, 先拎開哂d 蓋咋....

完左service, 佢忽然又問我地有冇換到d milk 同 creamer....因為通常我地做完 service, 就會將剩下的 milk 同 creamer 放番入 chiller 內, 加上一陣又有 service, 我地好少會換....咁我亦答佢冇換....佢說話: " pls change it later, cuz i dont want my pax to be poisoned...." 其實我覺得好waste...因為得3 個客食, 分分鐘個d milk 同 creamer 都未拎過出黎一次半次, 就要丟左再換過....不過佢叫到, 我地只好換....

差唔多係斯里蘭卡降落時, 我地應該係 check cabin prepare for landing....但點知貓姐忽然話要係呢個時間去一轉水....(但我地冇耐之前先去過一轉咋..), 我見佢話要咁做, 咁回程返曼谷時, landing 前我又去一轉, 點知佢又話唔洗....那刻, 我的感覺係: " 究竟佢想我地點做架?"

係斯里蘭卡transit 時, 有位同事很好人, 買了 papaya salad 俾我地食...咁我地有問貓姐食唔食, 起初佢話唔食, 後來又話share 一齊食...咁好啦, 我地一人一啖咁食左個salad, 當我將咁美味的salad 放入口時, 佢爆左一句: "guys, pls brush your teeth after finishing the salad..because there's galic inside...", 我地幾位同事立即你眼望我眼....待貓姐走左後, 有同事說: " 唔緊要, 我有糖食", 而我都立即食下香口膠....不過我做咁耐, 都係第一次俾阿姐話要記得刷牙....呵呵!

終於捱到返曼谷, 因為下set crew 未上機, 我地就好心幫下set crew set newspaper trolley 啦...因為door 1 有開門, 所以公司通告話如果架車放係 airbridge, 就唔洗line trolley cloth, 相反如果係cabin 內set trolley, 就係line trolley cloth 啦...當我地幾位同事set 好左, 貓姐忽然走埋黎說: " guys, u know, u have to line trolley cloth for business class trolley...", 我解釋說:" but we are going to put this on the airbridge." 她同好凌厲的眼神望住我回答: "this is j class trolley, right? so have to put trolley cloth...eventhough it is placed on the airbridge...", 我聽到佢咁講, 我都唔想駁佢咀了...我心諗如果當時我有那份notice 係手, 我一定會拎出黎更正佢....

既然佢咁講, 咁我地就line 哂3 層 trolley cloth 啦....(正常黎講, 叫得你line, 你梗係3 層都line 哂架啦!) 點知佢又話只係line 最頂個層同最低個層就得啦...我問點解, 貓姐說, 因為中間個層會俾d 報紙遮住左, 所以唔洗...那刻, 我個心諗: "咁最頂個層夠係會俾報紙遮左啦, 做乜又要line trolley cloth?"