喪行紐約

2008.06.22 to 23

今次有米仔同行, 真係唔怕會悶....

我地11 點出發, 坐 metro 去第34 街食日韓 buffet, 真係估唔到米仔食野仲少過我.....食完個lunch, 離開既時間, 我發覺我唔見左o岩o岩去日本豪斯登堡買既生日bearbear 鎖匙扣.... 原來條線斷左...嗚嗚....從此我就失去了它.....

lunch 後, 我地行到去第 52 街...行行下, 我開始眼訓, 加上唔見左隻bear bear, 好唔開心, 於是同米仔去左starbucks 飲咖啡....加上出面又落著大雨, 所以我地都留左係個度好耐.....
之後我地行番去 42街的times square 的 m & m 同埋 hershey's...再坐 metro 落chinatown, 真係唔知點解, 今日坐兩次metro, 兩次我張metrocard 都唔work...真係黑開有條路.....唉.......
去到chinatown 都差唔多8 點...但個天仲係光光的, 搞到我地以為時間尚早....哈哈! 我地去左搵washington 的tour...可惜都關門了...於是我地只好去鹿嗚春dinner...食最出名的小籠包....不過我就嫌個皮太厚啦.....食到我地好飽.....同埋唔鍾意d 職員成日好似趕我地走咁.....
dinner 完, 我地決定行brooklyn bridge 回對面岸的酒店......點知搵左一段時間先搵到條橋的入口....中途真係有d 想放棄....不過我地最後都好堅持要搵到....

我地的堅持係有回報, 就係一大堆靚靚夜景相.... 同埋又多謝米仔教我影相...如果唔係, 都冇下面呢d 相的出現.....thanks!!!!

 

下面呢張好經典架....哈哈!!!!

 

本來 10- 15 分鍾就行得哂條橋, 但我地一邊行, 一邊影, 最後行左成個幾鐘先行完, 回到對面岸, 米仔帶錯路, 行左少少冤枉路.....不過是開心的.....有朋友陪同, 我先可以影到夜景....有朋友陪同, 我先唔會亂諗野... 有朋友陪同, 先有人聽下我申, 聽下我講野....有朋友陪同...我可以暫時將煩惱拋開一邊.....
我地計過, 呢一日我地行左起碼成9 個鐘....已經去左個sydney...哈哈!
回到酒店都 12 點了....之後去左crew lounge 上網.....上到成 3 點幾....回到房, 我發覺我miss 左個電話....不過唔打緊啦....反正聽左都係咁......
第二天, 本來我真係唔想去, 不過米仔俾左個morning call 我, 於是我同佢, 仲有阿姐a, 同埋另一班機的阿姐j, 一齊去左 new jersey outlet.....雖然我話冇野想買, 但最後都買左一對波鞋, 一個袋, 同埋一件衫.....
我同米仔都覺得一齊飛好開心....但如果有埋lowbay 同埋企鵝會更開心...哈哈!

但我最想一齊飛的....點解仲未到?!

p.s 今次Brooklyn Bridge 的相....可以click 留言那個白色 bubble or click 呢度 Brooklyn Bridge at night in New York, enjoy~~!