第 346 次飛行
8 日的大假就咁完結左, 時間真係過得好快, 又要回到飛的日子了...不過都好既, 有野做, 就少d 胡思亂想.........
這班機係我用兩日假swap 返黎, 係一班名古屋overnight, 一大早就要回到公司....第一日返工就要咁早起身 (5am), 真係幾辛苦, 不過又係自己攞黎....
回到公司, 一睇個crew list, 打左個突....因為竟然見到堂家姐standby call 中我班機!!!! 其實下個月有班機我roster同佢一齊飛, 但我已經swap 走了(當然不是因為唔想同佢飛啦! 是自己本身唔鍾意做那班機), 冇諗到她會standby call 左黎我班機....仲要係同一個galley 做野!!!!
雖然我地係同一個galley, 但起初真係零交流....而我始終第一次發生, 總覺得怪怪地咁....不過後期就好左好多啦...有傾, 有笑....
去到名古屋, 我地一班同事坐的士出去 shopping, 因為佢地去睇名牌, 我又冇乜興趣, 所以我選擇自己一個人行....同埋自己一個行, 我又有時間靜靜地去諗下野....雖然諗黎諗去都係得個吉....
因為o岩o岩去完日本旅行的關係, 所以戰利品唔多, 但就買左成5 支好靚的 hair pin...同埋兩個蛋糕...
第二天, 又兩程機full load 咁返香港....而回程, 我與堂家姐, 仲有位同事都開始對前面兩位新同事有怨言, 因為一個成日唔笑同態度唔好, 另一位就係唔知佢想點.....連前面呢兩位新同事跟的阿哥都有少少頂佢地唔順....
回到香港都好夜啦.....但我好開心....因為....我看見我想看見的...
好啦...明天又要飛啦...又係一班 ultra long flight, 今次會同blog 友米仔飛....回來再見吧!
No comments:
Post a Comment