好友移城 - 在阿蘇火山上慶祝生日

2008.06.13

今日9 點鐘出發....由 GPS 帶我地上阿蘇火山....點知GPS 指左左我地去一間民宿?!  最後我地只好用另一個方法, 等GPS 帶我地去一個正確的位置....最後搞到成 1 點半先上到火山的一半....

其實一路渣車上山, 一路的風景都好靚, 我地都停左幾次車, 忍唔住要影下周圍既風景....

 

上左一半, 就去左一個叫草千里的地方.....之後我地係個度食左個Lunch....

 

下面呢樣野都有得賣, 不過唔買得....因為帶唔到上飛機....

 真係估唔到自己今年的生日會係火山度過....

 

因為阿蘇火山有東西兩邊欣賞....其實西邊好睇d, 同埋睇得清楚d, 但因為我地個日上到去, d 煙太勁的關係, 所以西面火口封左....我地辛辛苦苦上到山先知, 真係好失望....於是我提議不如試下渣車去東面既醉仙峽睇......
結果我地又花左一個鐘先上到去....好彩....東面冇封到, 所以我地坐最後個班纜車上去山上睇....條路好斜, 好難行, 仲要好大陣硫磺味.....難聞到死...搞到我咳到半死....(我個日吸得太多, 搞到夜晚訓覺都仲係度咳....)

 

好辛苦上到去....雖然應該冇係西面睇得咁好, 但都值得一看....

落左山, 我地又利用 GPS 帶我地去 熊本既酒店...點知我地輸入PHONE NUMBER 後, 發現 GPS 唔知個地方係邊?! 搞左一大輪, 我地搵唔到exact 的地方....最後只好渣到去熊本呢個city 先, 先再慢慢兜路搵.....
幸好呢間酒店通常都係d 地鐵站附近, 所以唔算太難搵.....
放低哂d 行李, 我地又出發搵野食....多得係停車場做野既叔叔, 佢叫我地坐電車去辛島町呢個地方....個度有好多野食....最後我地揀左下面呢間...因為下面個餐只係 1100yen, 好抵好抵....

 

大家認住間餐廳啦!

 

由於我地今日係打算去阿蘇火山, 高千穗同埋熊本城既, 但最後我地只係去左阿蘇呢個地方....咁我地只好明天先再去高千穗, 而熊本城呢個trip 要取消了....
這天生日收到好多sms...好多謝各位.....晚上仔仔打過黎, 但因為我同lowbay都太眼訓的關係, 冇人願意起身去聽他的電話....
最估唔到既係.....我冇同佢講我去日本的行程, 而我住既酒店係日本有成差唔多200 間分店, 淨係九州都有幾廿間, 佢竟然逐間打黎搵我... (咁這個我當然事後先知啦...)