好友移城 - 豪斯登堡

2008.06.12

昨天仲落雨, 今日就天公造美, 天氣非常好....我地一早起身. ..check out 過後, 就去左搵租車的地方....後來好好彩, 有lowbay 的地址, 加埋我個人對眼好犀利的關係, 竟然俾我見到間車行....

搞埋d 手續, 我同lowbay 就上車試下個GPS系統....開始我地既旅程.....因為全部都係日文, 所以只有識日文既 lowbay 先睇得明....我就真係得個睇字囉..... lowbay 渣渣下, 發覺個GPS 同平時用既有d 唔同, 結果我地唔知去左邊....哈哈!  要泊埋一邊搞搞個GPS, 了解左一大輪, 終於明白點用....點知呢個時候, 又有問題出現左.....就係發覺熄左車, 但條車匙拎唔返出黎..... 結果死死氣氣返去車行問, 原來要去 "p" 先拎得條匙出黎...哈哈!  真係太安全啦!

終於搞掂好哂, 早上 11 點正式出發了! 我地離開左福崗, 踏上高速公路, 去長崎附近既豪斯登堡.....

由於lowbay 第一日係日本渣車, 所以佢話唔俾我訓覺, 因為佢怕搞唔掂, 為左唔訓, 我飲咖啡, 同佢傾計, 同埋影下佢....哈哈~!

大家睇下我地架車車先啦...ok 架!

大慨渣左兩個鐘, 就到啦!

豪斯登堡係一個歐洲街景同埋建築既主題公園.....我地首先入左teddy 王國.....真係好多bear bear....

 

睇完bear bear, 行出黎就係荷蘭風車區既花園....呢個part 應該係我最喜歡, 同埋覺得最靚既一部分!

 

下面呢個音樂公仔, 係今次既旅程中我最喜歡既手信, especially 個首歌 - my favourite thing....

 

我地行到成下午 7 點, 就起程去長崎過夜.....

 

去到長崎, 我地周圍搵位泊車, 意外地俾我地發現酒店係有位泊既, 仲係 500 yen 一晚 only, 真係好抵....泊好車, 我地就要搵地方醫肚, 由於我地兩個都唔係好熟路, 只好一邊行, 一邊睇下有冇野食....行左大慨 15 分鐘......俾我地搵到下面呢間野, 呢個飯, 真係好好食......

 

這晚, 我同lowbay 商量有d 地方可以要 cut 左唔去...最後我地決定放棄鹿兒島....但之後個幾日, 我地發覺就算放棄唔去鹿兒島, 我地依然高估左自己既能力.....哈哈哈!