地獄HELL A

2008.06.05 to 09

第 345 次飛行

4 個月冇做LA 機, 想不到今次真係好地獄之旅....

 

而今次亦都係公司請左LA based 後, 第一次同佢地飛....黎個程, LA based 同事有兩位, 其中一位係我地galley, 幸好佢唔係我partner, 因為佢係懶到出汁....

 

 起初我都以為係自己錯覺同埋偏見....但俾我親身經歷了... (1) 派 special meal 時, 佢永遠遞個tray俾其他同事派, 自己就企係個galley 度... (2) 另外個邊aisle 既 crew 全部都join 左 3 個月都冇, 做得慢唔緊要....但佢地派完tray, 那位 LA based 既男同事係唯一一個企係個galley 連tea/ coffee 都唔去既人....一切睇係眼內, 我忽然好同情佢partner, 又係做左 3 個月都冇既同事 v....但v 同事好乖, 真係好乖...我好鍾意佢....但我又唔明老總睇佢唔順眼, 覺得佢做得唔好....唉...真係人夾人緣.....

 

 幸好, 我地阿姐係一位眼睛非常雪亮的人...回程時, 佢問我地LA based 男同事係唔係好懶....我地先夠膽講咋...好彩回程佢唔係同我地一齊返, 換了另外兩位LA based 同事.....

去到LA, 訓左一陣, 就與早我一班機到既 classmates 同埋佢班機既阿姐出左去附近supper, 之後回房, 仲以為有覺好訓, 點知msn, 長途電話, 幾個鐘一個, 搞到我冇覺好訓.....
第2 日, 與classmates 出去 santa monica....我同佢一樣, 去 santa monica 仲多過出旺角...
我地黎個lunch , 再 shopping 一下, 不過我就乜收穫, 佢就有唔少啦...哈哈!

 

 由於前一晚訓得唔好既關係, 所以行行下覺得真係好眼訓, 提早回酒店叉左一個鐘頭電, 再坐 shuttle 出去附近既 mall dinner....是日有tofu 湯食...好開心啊!

第3 天, classmates 一早回港, 而因為夜晚就到我起程回港, 加上我又係 2 nd group 先訓, 所以我係工作之前訓足成5 個鐘....叉足電返工...
臨到架機時, 先知轉左aircraft, 老總說: "呢間公司真係永遠都充滿驚喜...."
 亦因為咁, 搞到upper deck 少左個operating crew...由於ground preparation upper deck 好需要有crew 幫手, 所以佢地扯走左我前面既partner上 upper deck...而呢位前面 partner 本身應該係 main deck 既 business class 幫手ground preparation, 變左而家main deck 又少左個人, 於是佢地又扯埋我後面既partner 上去做ground preparation, 大家可能覺得奇怪, 點解要扯哂我個邊既人...唔扯另一邊aisle 既同事, 原因好簡單, 因為另一邊aisle 既3 位同事都只係做左3 個月都冇, business class 也未 train....結果我前後兩位partner 都走左, 變左 boarding 時, 原本一人負責一個zone, 變左係我一個人頂住哂3 個zone...

 

 個一刻我真係想死左去....結果....係一個人頂3 個zone 既情況下, 最後個zone 既客簡直俾我放生左咁, 佢地點放行李我冇時間去理, 因為只係搞前面兩個zone 已經忙到我死...又 full load, 行李又多到死, 明明有d baggage 係要 check in 既, 都俾佢地拎埋上黎...最後又係做到我死死下....

 

 我忽然覺得我係女超人...哈哈!

 

由於on ground 時, 我冇理到最後既zone, 變左我前後兩位partner 返落黎, 後面原來出現左問題....

話說有位越南男人, 佢成一家10 幾口, 分散哂係3 個zone 坐...而佢自己就單丁一個坐...做緊 safety demo 時, 佢係咁係cabin 周圍行, 由zone E 去到 zone C, 因為佢d 家人分佈哂係zone C,D,E 坐..., 我叫佢坐低, 佢又唔肯, 仲要cabin 一邊行, 一邊大聲講野....好明顯佢聽唔明我d 英文, 那一刻我真係好想offload左佢,

 

 最慘係, 我唔知我做錯左d 乜, 佢係咁黑面對住我.....我搞唔掂佢, 只好叫位男同事幫下我, 但都係冇用, 佢仲係cabin 周圍行.....

 

後來, 我搵左一位識英文既越南人幫手, 問下那越南男人究竟需要d 乜野幫手....終於我搞清楚兩件事... (1) 佢要同佢老婆坐....呢個我做到...亦叫識英文既越南人幫我手translate 俾那越南男人聽.... (2) 原來個越南男人有d 行李係另一邊, 佢想將那兩件行李放埋係佢而家新座位既 overhead locker 內....最後那越南男人竟然自己坐係中間, 要我同那位幫手translate 既越南人幫手搬佢兩件行李由一邊去另一邊....唉...那個男人真係不知所謂.....而我真係好多謝那位同鄉既幫手, 三唔識七都幫那位冇品既越南男人....可惜, 我真係唔知點樣去答謝佢好.....但我永遠都會記得佢既幫忙.....

唉...事件一個接住一個黎, 有個客已經坐第一行座位, 咁舒服, 仲話要調位? 原因係佢覺得佢個窗望出去既風景唔夠靚....

 

 我心諗, 無論係邊個窗望出去個天都係一樣架啦.....不過我梗係冇咁同佢講, 只係同佢講叫佢等等, 我check 到有乜野 空位會話佢知....最後....到我搵到個位時, 佢已經訓著左....

其實我已經 reserve 左個空位俾佢...仲以為用唔著添, 點知又有事發生, 係 meal service 後, 有位男人complain 佢隔離個肥佬成日掂到佢, 搞到佢好唔舒服....其實, 我覺得個肥佬都有d 問題, 於是我打算利用個reserved seat 啦...點知那時個位俾人坐鬼左...激死....

 

 呢位男人好唔開心, 話要用 飛行里數 upgrade 佢去 business class, 但係機上係做唔到同 飛行里數upgrade, 問佢用credit card upgrade 佢立即話唔肯, 寧願我搵個vacant seat 俾佢好過..但佢要求一定要window seat...我只好死死氣氣去返自己reserved 左既seat, 叫坐左window seat 既小朋友幫幫手....俾番個位我....當時佢簡直係我唯一既希望...

 

最後小朋友願意坐中間位, 那麼complain 既男人就可以坐 window seat....

咁都未完, 唔知點解, 呢班機, d duty free order 多到死....未take off 已經有成 10 幾個order....結果老總將我轉左做1 st group 去訓....因為service 完左好多人訓左, 所以佢編我係1 st group, 等我起身時, d 客應該都醒, 再做哂d order 去....結果搞到我覺又訓唔到 (因為flight 前訓得太多, 早知佢轉rest period, 我就唔訓咁多啦), 一起身, 到2 nd meal service 那4 個半鐘內, 不停賣 duty free, 當時得我同兩位同事on duty, 佢地做杯麵做到死死下, 雖然阿姐叫我做埋d order 先, 但最後我於心不忍, 做完第一輪order, 我決定幫手收野...再做埋另一輪 order....最後我賣得好可觀既數字...同埋一大疊voucher, 有成 825 美金, 厚到個envelope 都差d 質爛埋.....

返到香港, 我真係死左半折....
但諗起呢班機完左, 就係我放大假既開始, 我好開心...