左右做人難 (上)

2008.04.11 to 15

第 334 次飛行

這班來回長達over 30 個鐘頭的紐約機, 發生既事自然多多...

香港 --> 紐約

這次又係商務客艙工作, 還是第一次面對這隻新機的design, 我對自己都冇乜野期望, 但求做好自己本份, 不幸的是, 商務幾乎係full load 的狀態....boarding 的時候, 我與另一位同級同事, 一人負責一邊的客人...其實大家都好忙, 又要掛 jacket, 又要去drinks..等等...好彩既係, 我係起飛前只係剛剛做得哂所有工作, 但對面就去唔哂d drinks...之後有人對我說: "返黎個程唔該你幫下我個邊...我得自己一個...", 搞到我有d驚...好似講到我冇teamwork 咁...唉, 唔係唔想幫, 我連自己個邊都只係o岩o岩搞得點...點幫?! anyway, 我相信佢都只係一時忙先會咁講野, 後期佢又冇乜野, 而我當然好識做, 做完自己個邊, 有時間都會去埋另一邊吧....

這次galley 一共有5 位同事, 紫姐係一位印度人, 兩位紅姐與我及另一位同級同事都係香港人...service 開始, 同級同事與紫姐做一邊, 我與紅姐c 就做另一邊, 而紅姐d 就做galley work...但每一次紫姐都未等我地set 好架trolley, 就已經開始start service...搞到我同紅姐c 做到趕頭趕命....仲慘過賽車.... 這個也不能難負責galley work 的紅姐d, 因為例牌都係set 左紫姐架trolley 先...( respect 麻...), 但係唔係應該等埋一齊先出trolley 呢?

要賽車已經好辛苦...點知d 客仲好鬼煩...差唔多60 個客不斷飲飲飲, 我都未試過第一個service 都未完, 所有 champagne glass 會冇哂既...坐 27 k 那位澳洲女人, 已經手拿幾本magazine, 但當佢問我地有乜野 fashion magazine, 我offer "EVA" 俾佢時, 佢話佢上程機睇左, 要第2 本, 可惜我睇埋頭等既 magazine都已經冇...之後佢好不滿咁...我心諗, 做人唔好做到咁貪心好喎...另外 16 G 那位女仕, 係我地最忙做service 的時候, 足隻酒試, 試完紅, 話太dry, 去試白, 最後飲白酒, 點知過左5 分鐘, 竟然又要求我地俾先前既紅酒俾佢飲....我心諗, 乜你頭先唔係話隻紅酒太dry唔好飲咩? =.= 試完酒, 要求要食頭等既飯...得到手後, 每一次我地行經過, 佢都同我地大大聲講thank you...好恐怖...@.@ 再之後有段時間氣流好勁, 仲持續左好耐, 佢狂按call light, 問我地, 究竟氣流仲要last 幾耐, 話自己cannot stay...開始癲癲地...我地好懷疑佢係有d 驚坐飛機...阿姐說佢驚但我地都唔可以開機門俾佢走麻...只能祈求氣流快d平息....另外, 還有位客人喪飲diet coke, 一罐一罐咁黎..點解客忽然話佢飲緊個杯根本唔係diet coke? (今天的客人怎樣了?) 我真係冇氣....既然佢唔信, 我成罐再加隻杯咁俾佢....

到左第2 餐, 仲以為佢地已經飲到醉醺醺啦, 點知仲係咁食食食, 飲飲飲...勁! 而我地依照都係跟唔上紫姐的速度, 應該話, 佢成日都偷步...

"chur" 左成15 個鐘, 精神真係好累....

待續.......