小事二三事

2008.04.26 to 30

第 336 次飛行

繼兩個wk 前既 new york flight 後, 今日又再上演同樣ultra long 既toronto flight....簡直係同孤菇的極限挑戰....

 

這次飛得唔錯, 只記得一點小小小事....

 

1. 今次亦係做左成個月business class 後, 第一次落番 economy class工作.... 點知未起飛, 先抽筋....

 

因為d 行李太重, 關overhead locker 時, d 力聚哂係雙腳上....平時都成日抽既我, 一關完, 回到galley, 很痛, 很痛...同事教我舒緩抽筋的方法, 不過都係唔得....最後還要忍痛行出cabin勘水俾客人, 同埋走去cabin 的中間扮乜事都冇去point exit....

 

2. 不過都都遇到一位好乘客, 佢上機時, 我指示佢放行李的位置, 但見佢冇乜反應, 我想應該是佢自己一個人拎唔到行李上去, 打算同佢一齊搬吧 (因為見佢都幾好人....), 點知佢同我講: "你都係女仔, 唔洗幫我啦, 我一陣叫位男乘客幫我就得啦...", 我當時鬆一口氣....

 

3. 又係未起飛, 乜野 service 都未開始, 已經要處理一位要upgrade 既乘客的手績問題....

 

4. 做duty free, 不小心執錯一個order 俾一位indian, 已經說了 sorry 的我, 他竟然拎起張紙"條條fing", 說: "this form is no meaing at all!", 這句話有如蓋了我一把掌....

 

5. 又例牌見到d 永遠唔帶奶上機俾小朋友飲, 完全依靠機上給差唔多300 位乘客飲既奶既媽咪....

 

6. 回程, 開酒的時候, 竟然有支酒內是沒有 wine cord 的, 同事叫我快d去買六合彩....

 

7. 有一位好聽話的bb, 佢媽媽極之合作.....

 

8. 有男乘客按call light, 因為佢unfasten 唔到安全帶, 去唔到洗手間, 其實只係佢拉得唔夠"行", 鬆綁那一刻, 我倆都十分尷尬....

 

9. 差唔多降落香港時....有位小朋友死都唔扣安全帶....佢既爺爺"女麻""女麻"又唔話, 唔打...個小朋友就咁坐係地下發尖炆憎...雖然佢已經過左兩歲, 但最後發現佢未夠3 歲, 俾左條兒童安全帶俾佢, 等佢"女麻""女麻" 抱住佢降落, 但小朋友都唔肯...那時captain 已經叫我地坐低, 我嘗試拉小朋友上黎, 但都唔得, 因為佢既盲力太勁, 廢事整親佢, 所以最後都係放棄, 由得佢係地上繼績發炆憎直到降落為止....如果佢係我個仔, 我諗我打到佢甩皮甩骨都似....

 

做完成班機, 又係成個人散哂, 同埋第一次有 "唔鍾意飛 long flight" 的感覺....

 

 我唔知點解自己會咁, 但見到d 客, 仲諗起要對住佢地成10 幾個鐘, 我覺得好厭倦....

 

同上次做完 new york 一樣, d 眼紋又走哂出黎....又要徹底急救啦......