天氣的錯之親身感受篇 (中)

2008.04.19 to 22

第 335 次飛行

第二天下午

由於俾公司轉左pattern, 冇啦啦多左半日與仔仔的相處時間, 又再駕車出去食野....不過出去之前, 去左lobby 拎 extra allowance, 但點知hotel 既 staff 話仲未收到 公司的 msg, 咁算啦, 我遲d 先再問, 反而仲有成兩日時間....

 

我一直都有check 到那晚做colombo shuttle 的crew list, 除左我之外, 仲有兩位同級的同事俾人pull out 左, 有兩位阿哥, 同一位阿姐俾人pull out 左, 有兩位紫姐又俾人pull out 左...我就冇左後面個班 sydney, 有位紅姐就冇左班 seoul flight, 阿哥相信係最慘...成班 paris 冇鬼左...
其中一位紫姐本身係 operate由日本divert 左去曼谷既機, 第2 日本來係返香港的, 點知公司話佢唔返得, 要留係 曼谷做今晚的colombo shuttle, operate as ISM ( inflight service manager), 加埋原本operate colombo 的同事...我地做shuttle 呢班同事, 總共來自6 班唔同 flight  pattern 的混合體!

公司辛辛苦苦係6 班唔同既機抽人出黎做班 shuttle, 但諷刺既係....抽完之後, 我地今晚的 shuttle 仲少左兩位同級同事 operate!!! 更恐佈既係 今晚的shuttle 係 full load....大家望住個overbook 的loading, 個心完全涼左一折....

 

落到lobby 集合...見番昨日飛既同事, 佢地見到我好鬼開心....當然亦覺得我好可憐...
 不過佢地話可以繼續與我工作係一件開心事, 連我partner 也這樣說...有這班喜歡與我工作既同事, 我又有另一種安慰....

 

上到機, 準備落機的同事仲問阿哥( 那位成班 paris 冇左既阿哥) how are u....阿哥說" no good" 就走左去...事後我向同事說不要再問啦, 同事們先知發生乜野一回事....
斯里蘭卡的大戰正式開始....這次我地跟了另一位紫姐, 又跟了一位upgrade左做老總既紫姐...由於人手唔夠的關係, 加上又 full load, 所以老總說如果紫姐想cut 左個cocktail service 是可以的...而經濟客艙已經cut 左cocktail service...可惜, 紫姐竟然說照做cocktail service!!!! 我地幾位聽到後, 完全係"冇眼睇"既感覺....

本來商務客艙唔 full 既, 但因為 economy class overbook 左成 50 個客, 搞到business class 全院滿座...只得10 幾位係真客...其餘 40 位都係 upgrade 客....

經濟客艙與商務客艙分別都少左一位成員...令班機難上加難...聽說經濟客艙既客好乖...但相反, 商務客艙完全可以用 " 人間鍊獄" 黎形容....
幾乎全世界都睇住個menu 既 drink 逐樣叫...而我也是第一次係3 個鐘的飛行時間內, 幾乎mix 哂所有係menu 上及我本 service handbook 出現過的cocktail...
 最慘既係, 佢地飲完一杯都未夠, 仲要多 2,3,4,5,6,7 杯....搞到main course service 遲遲都未能開始....亦搞到我後來決定唔再出去 collection...因為一出去, 佢地就係拎住隻杯問我拎野飲...太恐怖...沒完沒了...

 

 後來我真係做到黑面...可能d 客都見到我塊面黑到唔可以再黑, 所以後來佢地都乖左少少....之後又有位indian 客 complain 我地既座位太舊, 同埋blankets 係用過既, 又話我地公司乜都唔掂...又話同事 attitude 差 (其實我地已經對佢好好, 係佢唔領情), 你係咁唔鍾意坐我地既飛機, 大可以坐其他公司...

 

meal service 終於開始, 少一位同事真係差好多, 派 tray , 去飽, 去水, assist 紫姐, by hand 去 main course, 一手包辦, 幸好有兩位好幫得手的紅姐...我地5 位好似著左turbo 咁...係咁做做做...
 但後來中間那位indian 紅姐竟然係service 期間係 galley 食飽飽, 真係睇到我眼都突....我地做到死死下, 你仲係度食飽?!

 

 佢仲叫我食添...不過我就說: " i can't eat until i finish the service..."
奇蹟地, 我地竟然唔洗3 個鐘的 flying hour 內, 做得哂成個service...但未到斯里蘭卡, 我地已經累死左...

 

第三天凌晨
到左斯里蘭卡, 一見到當地的 ground staff, 我立即問佢回程的 loading, 幸好不是full, 商務得10 幾位客, 經濟客艙就得200 位左右...之後ground staff 問我點解咁問, 我就訴說我地一班同事頭先的苦況, 亦謝謝那位 ground staff 的安慰....
回程係舒服好多, 但就要捱眼訓...

 

 去左經濟客艙assist, 那時才知這班機上有一位attitude 不是太好既同事, 後來連我partner 也走黎同我訴苦....證明我眼睛看到既並沒有錯...

回程機上有好多僧人, 有korean, 有 chinese, 令我意外既係, 原來僧人都可以喝酒, 更令我意外既係僧人係鹹濕的!!!!
 就係我收緊 tray 時....有位chinese 的僧人摸我隻手!!!! 係摸完我條水晶鏈再摸到我隻手上...我立即縮開....狠狠地望住佢!!!! 實在太過分了!


 打了一夜既仗, 終於再次回到曼谷.. 以為鬆一口氣添....
點知去到酒店又有事發生了...

 

待續........