天氣的錯之親身感受篇 (上)

2008.04.19 to 22

第 335 次飛行

這星期我飛班曼谷overnight + sydney 4 day....還有一連串計劃, 去曼谷當然去探仔仔, 去sydney 打算與朋友去 blue mountain...令我十分期待....

 

第一天

早上7 點回到公司, 見到有幾位同事都port 左sick, 因為我地班同事裡面, 有幾位係做4 day 香港 - 曼谷 - 斯里蘭卡 - 曼谷 - 香港 既 pattern, 因為同事大多都不喜歡做斯里蘭卡, 所以port 哂sick...而我自己特登swap 班 overnight 黎做, 而唔做4 day 曼谷 - 斯里蘭卡, 因為(1) 我上個月尾先做完班 斯里蘭卡, (2) 我下個月中又有班斯里蘭卡, 雖然我唔太介意做斯里蘭卡, 但做得多會死人的.... (3) 我之後飛 syd, 答應左朋友一齊去 blue mt 的, 不能爽約....

 

第一日兩程都幾順利架...今次又做商務客艙, 第一程去 singapore 唔full, 第二程去曼谷business class仲更加 light loading, 所以去左economy class 幫手....個心一直想著, 快d 到快d到, 好想快d 見到仔仔....

係酒店梳洗過後, 就收到仔仔電話, 去樓下等, 今次都幾意外, 因為今次唔再係見到的士迎接我, 而係仔仔同不知何處而來的私家車...

 

上到車還見到車頭那對chip and dale 的公仔, 我還記得剛剛的x'mas 我地都好鍾意對公仔, 想不到佢真係買左...

我地出左siam 附近, 一路上, 我梗係盡女朋友的責任, 突擊檢查車上的每一物
, 最後竟然俾我發現左d 野喎, 那當然是我的禮物啊! 雖然不貴重, 但我卻很喜歡, 因為那是前排仔仔去不丹公幹時買的禮物啊!

 

 我諗我呢一世都可能冇機會去到不丹了....
因為曼谷正進入炎炎夏日的關係, 有成37 度既高溫...我與仔仔最後都頂唔順, 回到酒店早點休息....而我亦準備第二天中午起程回香港...

 

第二天
點知訓到早上5 點幾, 忽然有電話響, 由於我訓緊, 所以仔仔接聽左, 當時我只係聽到佢說: "唔...唔...唔" 就收左線, 但收左線佢都冇同我交代d 乜野又訓左...隔左一陣, 我望望個電話, 驚見 message light 著左...

 

我立即叫醒仔仔, 問頭先係邊位打黎, 他只說: "佢地話你duty 轉左, 今晚做班 colombo shuttle喎! 又唔知乜野 short break ( SB)", o下!!!! 又要去斯里蘭卡!!!!???? 咁我豈不是兩個月做三次斯里蘭卡!!!????

 因為我有帶laptop, 立即上網睇, 公司已經轉左我成個wk 的 pattern, 我班 sydney 已經不翼而飛, 而係變左4 日 斯里蘭卡 + 兩個short break (SB= 兩日假)....那一刻真係欲哭無淚...

 

大拿拿冇左2000 蚊allowance + 9 個flying hours...最後我都由hotel 既 staff 證實呢個事實....唉...真係傷...

 

 後來與幾位同事兼朋友傾開, 先知道因為個風浣熊的影響到好多飛機都降落唔到....有兩班機都divert 左去曼谷, 由部分本身做斯里蘭卡既同事接住返香港, 於是公司要抽某d 做overnight 的同事做colombo shuttle, 而我就係其中不幸的一位....

 

不過有樣野要控訴既係...明明都不是我本人聽電話, 公司就當搵左我....咁 樣好危險架喎, 萬一佢地打錯左去其他room number, 咁我米乜都唔知?!

待續.........