天氣的錯之親身感受篇 (下)

2008.04.19 to 22

第 335 次飛行

第三天早上

坐了成個鐘車, 終於回到酒店....

 

 幾位被改了 pattern既同事, 有些係未做shuttle 前已經拎左extra allowance, 而其他既, suppose 係做完 shuttle 後都應該拎到extra allowance, 咁我梗係懷住興奮的心情去迎接雞碎咁多既 allowance 啦! ( 同sydney 既 allowance 比真係天同地比... 唉)

 

 不過都好過冇啦....

點知我係張allowance list 上見唔到自己個名!
 我問hotel staff, 佢地根本俾唔到個答案我, 只係說: "because you are not this set of crew.." 有冇搞錯!? 我成個人活生生同佢地一齊打完仗返黎, 竟然話我唔係佢地的一分子?!

 

 真係嬲到我死....後來搵紫姐幫手, 但佢都幫唔到我d 乜, 仲問我係唔係想要錢, 佢可以俾d 錢我先....但佢都唔明, 我要左佢d 錢又點? 我點都要拎返自己應該有既allowance麻!

 

 之後有位做得耐d 既 hotel staff 處理我的問題...佢話佢會打電話去問, 有消息再send message 俾我, 於是我就回房梳洗先, 但臨走前, 有位阿哥同我講, 最後俾個deadline 自己, 如果都係冇消息, 最好打返去香港搞掂去....
梳洗完後, 搞下東, 搞下西都過左兩個幾鐘, 仲未有 message, 諗諗下, 呢度既 hotel staff 真係信唔過, 結果我死死氣氣打左返去香港既 crew control...那位女人好好人....起初佢唔知我仲係 曼谷, 叫我e-mail 俾另一位同事, 點知我問: "咁我幾時先有得拎番d 錢?" 佢先知我係曼谷....緊張的說: " 你係曼谷打返黎呀? 我而家立即fax 張紙去...你而家快d去樓下拎錢! " 佢都知我用好多錢打番黎, 立即說收線......隔左一陣, 我去左樓下拎錢, 前後都唔洗半個鐘....
 可再一次見到曼谷個間hotel 既 staff 真係廢廢地...

拎左d 錢後, 我都安心去訓覺去....
小睡 3 個鐘, 因為今天仔仔不能陪同的關係...所以與3 位同事出左去 siam, central world 行街街,

 

 我地由3 點行到晚上 11 點....4 個女仔雞啄唔斷, 好開心...仔仔雖然黎唔到, 但時時打電話問下我既行蹤, 但每一次佢打黎, 只會俾我投訴一番...哈哈....

shopping 完回來, 一開燈....竟然見到一隻小強係我眼前經過, 把我嚇到半死....
這晚, 不敢關燈訓覺....
第四天
這天可以用天堂黎形容, 前面只得10 幾個客, 太好了....仲要係做早餐, service 簡單得很...

 

去左economy class 幫下手, 點知那位attitude 不好的同事, 依然態度不好....不用我幫手...那麼算吧....

唔知係唔係俾公司轉duty 的關係, 同埋咁多事發生, 覺得呢4 日好漫長....

 

回到香港, 一切都回復正常, 香港的天氣已經好了很多...

這次的旅程, 真係多得隻浣熊....搞到我冇左班 sydney 之餘, 冇啦啦多左兩日假...但呢兩日假真係"金", 冇左2000 蚊 allowance + 9 flying hours, 即係變相一日假用左1700 蚊黎買...嗚......

(完)