小孤菇長空中往返: 一切從巴士開始...

2007.05.21

第 264 次飛行

都未返工, 就差d 俾巴士公司累死...

我一向都會係 briefing time 前兩個鐘就出門口...行去巴士站都要成15 分鐘...今次如常, 但不幸...我送車尾...要等多 15 分鐘...點知等呀等, 等呀等...等左成半個鐘都冇車黎...最後...我等了成 45分鐘...先有車...那時, 只剩下一小時就到 briefing time...

一路上, 想睡, 但睡不著, 只是擔心自己趕唔趕得切...個心越急, 就越覺得個司機駕駛得好慢...起初仲諗番返到公司做d 瑣碎事, 但因為巴士遲來而告吹了...

最後, 我係10 時10 分落車...在公司前一個站, 我已經帶住大細suitcase, 放係巴士門口, 準備司機一開門就evacuate! 可以我塊面黑到死, 司機就問我頭先係唔係等左好耐...我答: " 係...等左成 45 分鐘呀! 而家仲有5 分鐘就遲到!"

司機說: "冇法呀! 因為中途壞了兩架車, 我地都盡哂人事..." 聽後, 個心好過了一點, 我都明白佢地的處境...算吧! 而家最緊要就係唔可以遲到!

一落車...剩下5 分鐘的時間...完全冇哂儀態拖住大細suitcase 入公司...由於夜晚多長途機的關係, 特別多同事check in baggage, 我真的急死了....唔單止個心急...下面都急....想去洗手間....

check in 完 baggage, 就擦卡入去...我張卡成日都失靈, 今次又係...真係急死人啦! 我狂拍卡...終於ok 左...再飛去放低細suitcase, 就去部機sign in...望望錶, 還有3 分鐘...快快抄好哂同事的名字, 就飛去洗手間...再跑入 briefing room...第一句就是說...."sorry..." 當時老總已經係 briefing room 內...

她是一位很好的老總...我立即放鬆了...因為未抄名的時候, 我見到位top 10 入了 briefing room, 我個心涼左半折...幸好並不是她...

老總見到我上氣不接下氣, 問我發生什麼事...我如實說...大家的反應都係 " poor u...." 老總說...下次再遇到這樣的事, 打電話回公司, 說要遲一點才到....這樣我不用那麼趕...

唔知係唔係黑開有條路....事後不幸的時陸續有來....

班機唔full, 都有成幾十個位剩, 加上又 night flight, 仲以為會好舒服, 點知當我on duty 時, 有一位菲律賓老人家同埋一位日本人係我面前暈低左....前者係因為俾 ground staff 搞到上唔到某班直航機, 而唯有乘機去 frankfurt , 再轉機去目的地....亦因為咁, 搞到成晚都訓唔到, 令到自己暈到....由於佢好需要有較多空間的位置訓低, 與同事商討後, 我地放左佢係door 5 那條 aisle 上, 再通知老總...幸好老總與老人家是同一國籍, 溝通上都方便很多....就係呢個時候, 另一位同事尖叫...因為有一位日本客暈低左...大慨因為太長的飛行時間, 加上氣流而感到不適...幸好佢仲有知覺...不過因為溝通上的問題, 加上當時唯一的日本阿姐又去左rest,所以我地都做唔到d 乜...只好給她一個sick bag, 幾條濕毛巾, 再將佢的頭放在兩膝中間...這日本客在我地做早餐 service 時再次感到不適...我要一邊做service, 一邊一眼關七睇下佢點...點知忽然唔見左佢, 真係嚇到我半死...

只知佢去左洗手間, 但又唔知佢去左邊一間...如果佢係裡面暈左可怎麼辦?

同阿姐講, 佢又好似冇乜反應咁...唉...好彩最後都俾我見番位日本客...再 double check 下佢有冇好點...終於到左目的地...日本夫婦落機時, 狂係我面前說了一堆日文, 從佢地的眼神, 我知道, 他們是在多謝我....

不過當然都要多謝日本阿姐同埋老總的幫忙呢!

另外, 派第二餐時, 阿姐同阿哥計錯數...搞到我要換成兩次cart....真係轉到我頭都暈...

很久沒有飛過長途機...到了frankfurt, 已經很疲累了...那一刻只希望快d 跳上床訓...

點知....

點知到酒店的時候, 老總說我地有個good news 同 bad news...bad news 就係有6 個crew 的房未執好, 要等多一個鐘...good news 係因為未有房俾我地, 所以全set crew 有得食free breakfast, 不過要係 crew lounge 食囉...去得crew lounge 食, 都知唔妨好...一d 熟食都冇, 只得coffee yogurt, cheese, fruit 同 bread...同埋只得coffee, tea 都冇...唉...真係灰爆...