香港旅行團

2007.05.31

第 266 次飛行

今日standby 被call 了一班即日來回的日本機...都算不錯吧!

最開心係....business class...

去程 - 9 個客

回程 - 6 個客

yeah~~!

由於兩程 business class 都 light loading, 所以我大部分時間都會去economy class 做assist....cocktail service 就係中間的galley 幫手, 到左meal service, 就去後面galley 幫手...

去程...差唔多全部都係香港人, 佢地分別來自3 個香港旅行團....其實我一向並不討厭香港旅行團, 有時仲覺得大家都係香港人, 係我工作的時候, 會方便很多...可惜今天的旅行團...令我覺得佢地有點討厭...

我覺得香港人...而家一上機...都未坐低, 就立即第一時間問你拎 blankets, pillows, 報紙, pair 牌...好似驚死拎唔到咁...誓死 "就算唔用都要拎左先" 的心態...而佢地一味只係要拎到自己想要既野, 但完全冇諗過我地需要時間去準備...而我地空中服務員都係一視同仁, 乘客要什麼, 我地都會盡可能第一時間俾佢地....

今天卻發生了一件事...就是有位女乘客...根本很遲先叫某位同事拎 pillow, 點知隔左一陣同事將個pillow俾個客時, 佢就係咁嘈...仲對那同事說: " i m the first one asking u for pillow!" 這位同事當然好嬲...立即番galley 同孤菇申了一陣...我唯一可以說既就係: " forget it!" 我認為, 我地唔需要為左呢d 蠻不講理的人而生氣...那位客人說: "i am the first one!", 我聽完, 心想: " are u sure?" 成機咁多客人, 你又知你係第一個?

到我做service 時, 那些看似廿幾三十歲的香港人係最無禮貌...俾drink 你地, 唔該都冇聲, 收你地的餐時, 又係唔該都冇聲...特別是那些couple....反而...我最鍾意serve 老人家...佢地成日笑笑口...仲成日多謝前多謝後, 雖然佢地成日都要熱茶, 搞到我要成日返入galley 整...但我完全樂意去做...因為佢地會 appreciate...

另外, 最難搞既係...同佢地講英文, 有d 好串...會同你講: "我係香港人, 做乜同我講英文...你唔識講廣東話咩??" 又試過知道佢地係香港人, 同佢地講廣東話啦! 點知..對方答: "我識講英文架...." 唉..吹帳...講廣東話又係死, 英文又係死...

不過我又唔可以以一小部分的事件而打沉成船人既...大部分香港人都好明白事理...只係小部分人處處玩針對....

唉, 我心諗...其實大家都係香港人, 點解仲要咁串, 成日俾hard time 自己人呢?